APM ၊ စပ်တမ်ဘာ ၁၁ / ၂၀၂၃
စကော့တလန်နည်းပြချုပ် စတိဗ် ကလာ့ခ် က သူရို့အသင်း၏ စံနှုန်းတိကိုပြသဖို့အတွက် အင်္ဂလန်လက်ရွီးစင်အသင်းကို အနိုင်ယူလားဖို့လို့ (ဒေနိ)စပ်တမ်ဘာ ၁၁ ရက်နိ လုပ်တေ သတင်းစာယှင်းလင်းပွဲမာ ပြောကြားလိုက်ပါရေ။
ကျနော်ရို့ ပရိသတ်တိအတွက် အင်္ဂလန်အသင်းကို အနိုင်ကဇတ်လားပါဖို့။ ဆိုက်ပရပ်စ်အသင်းကို ကျနော်ရို့ ဂိုးပြတ်နန့် အနိုင်ယူခပိုင် အင်္ဂလန်ကိုအနိုင်ယူဖို့အတွက်လည်း အာရုံစိုက်ထားပါရေ။ ကျနော့် လက်ထက်မာ အင်္ဂလန်ကို အနိုင်ယူပြချင်ပါရေ လို့ နည်းပြ ကလာ့ခ် က ဆိုပါရေ။
စကော့တလန်အသင်း စွာ ၁၉၈၅ ခုနှစ်မာ အင်္ဂလန်ကို ပထမဆုံး အနိုင်ရခပြီး လွန်ခရေ ၂၀၂၀ ယူရိုပြိုင်ပွဲမာတော့ ဂိုးမဟိ သရေရလဒ်ထွက်ပေါ်ခပါရေ။
စကော့တလန်အသင်းစွာ လက်ဟိယှဉ်ပြိုင်နီရေ ၂၀၂၄ ယူရိုပြိုင်ပွဲမာ ၅ ပွဲဆက်တိုက်အနိုင်ရဟိထားပြီး အုပ်စု (A) ထိပ်ဆုံးမာ ရမှတ် ၁၅ မှတ်နန့် ဦးဆောင်နီပနာ လာဖို့ စပ်တမ်ဘာ ၁၂ ရက်နိမာ အင်္ဂလန်အသင်းနန့် ယှဉ်ပြိုင်ရဖို့ လို့ သိရပါရေ။
Source- Scotland coach Clarke said to beat England/Reuters
Photo- Daily Record
