APM ၊ စပ်တမ်ဘာ ၁၁ / ၂၀၂၃
၂၀၂၁ ခုနှစ်၊ ဖေဖော်ဝါရီကပင် ၂၀၂၃ ခုနှစ်၊ ဩဂတ်စ်လအထိ မြန်မာစစ်တပ်ထောင်ထားရေ မိုင်းတိကြောင့် ချင်းပြည်က အရပ်သား ၂၀ သီဆုံးခပြီး ၃၇ ယောက် ထိခိုက်ဒဏ်ရာရဟိခကြောင်း ချင်းလူ့အခွင့်အရေးအဖွဲ (CHRO) က ဒေနိ( စပ်တင်ဘာ ၁၁ ရက်)နိ ထုတ်ပြန်ပါရေ။
မြီမြှုပ်မိုင်းအပါအဝင် မြန်မာစစ်တပ်ထောင်ထားရေ မိုင်းတိကြောင့် ၂၀၂၁ ခုနှစ်မာ ၄ ယောက်သီ ၂ ယောက် ထိခိုက်ဒဏ်ရာ ရ၊ ၂၀၂၂ မာ ၉ ယောက်သီ ၁၇ ယောက် ထိခိုက်ဒဏ်ရာရဟိခပြီးကေ ၂၀၂၃ ခုနှစ်အတွင်း ၇ ယောက်သီ ၁၈ ယောက် ထိခိုက်ဒဏ်ရာရခရေလို့ ယင်းထုတ်ပြန်ချက်က ဖော်ပြထားပါရေ။
ယင်းအပြင် ချင်းပြည်ကို ဒေနှစ် ၂၀၂၃ ခုနှစ် ပထမ ၈ လအတွင်း မြန်မာစစ်တပ်က လီကြောင်းတိုက်ခိုက်မှု (၁၈၅) ကြိမ် လုပ်ခရေလို့ CHRO က ဆိုပါရေ။
ယင်းလီကြောင်းတိုက်ခိုက်ခံရမှုကြောင့် အရပ်သား ၃၅ ယောက် သီဆုံးခရပြီးကေ ယင်းအထဲမာ အချေ ၅ယောက်နန့် အမျိုးသမီး ၁၁ ယောက်လည်း ပါရေလို့ သိဟိရပါရေ။
Photo – CHRO
