APM၊ စပ်တမ်ဘာ ၁၁/၀၂၃
မြန်မာစစ်တပ် ဖမ်းယူလားပြီးကေ မြန်မာပြည်ဆူပူလှုံဆော်မှုဆိုင်ရာ ဥပဒေပုဒ်မ ၅၀၅(က) နန့် စစ်တွေမြို့နယ်တရားရုံးမှာ အမှုရင်ဆိုင်နီရရေ စစ်တွေဒေသခံနှစ်ယောက်ကို စစ်တွမြို့နယ်တရားသူကြီး ဦးဝင်းနိုင်က ဒေနိ(စပ်တမ်ဘာ ၁၁ ရက်နိ)မာထောင်ဒဏ် ၂ နှစ်စီ အသီးသီး ချမှတ်လိုက်တေလို့ သိရပါရေ။
ထောင်ဒဏ်ချမှတ်ခံရလူနှစ်ယောက်မာ စစ်တွေမြို့နယ်၊ဗျိုင်းဖြူရွာက ဦးဘသိန်း (၅၇နှစ်)နန့် သက္ကယ်ပြင်ရွာက ဦးဆော်လိမ်(ခ)မောင်မောင်ခင်(၅၀နှစ်)ဖြစ်ပါရေ။
သူရို့နှစ်ယောက်ကို ဒေနိ နိခင်း ၁ နာရီလောက်က စစ်တွေမြို့နယ်တရားရုံးမာ ရုံးထုတ်ခပြီးကေ မြို့နယ်တရားသူကြီး ဦးဝင်းနိုင်က ပုဒ်မ ၅၀၅ (က)နန့် ပြစ်မှုထင်ရှားရေဆိုပနာ ထောင်ဒဏ် ၂ နှစ်စီ ချမှတ်လိုက်စွာဖြစ်ပါရေ။
ဦးဘသိန်းနန့် ဦးဆော်လိမ်ကို ကုန်ခရေ ၂၀၂၂ ခုနှစ်၊ ဂျုန် ၂၃ ရက်နိမှာ သူရို့နီအိမ်အသီးသီး သို့ မြန်မာစစ်တပ်က ဝင်ရောက်ဖမ်းယူလားစွာပါ။
ယင်းနောက် စစ်တွေမြို့နယ်တရားရုံးမှာ ပုဒ်မ ၅၀၅(က) နန့် တနှစ်နီးပါးကြာ တရားရင်ဆိုင်ခရပြီးကေ အဂုပိုင် ထောင်ဒဏ် ၂ နှစ်ချမှတ်လိုက်စွာဖြစ်ပါရေ။
လက်ဟိ သူရို့နှစ်ယောက်စွာ စစ်တွေအကျဉ်းထောင်မာ ပြစ်ဒဏ်ကျခံနီရရေလို့ သိဟိရပါရေ။
