APM၊ စပ်တမ်ဘာ ၁၁/၂၀၂၂
မင်းပြားမြို့နယ်တွင် စပ်တမ်ဘာ ၁၁ ရက်နိ မိုးထ ၉ နာရီခန့်က စစ်ကောင်စီတပ် ထောင်ထားသောမိုင်းကို တက်နင်းမိ၍ ပေါက်ကွဲမှုဖြစ်ပြီး ဒေသခံ တယောက် ညာဖက်ခြီထောက် ပြတ်ထွက်လားခကြောင်း သိရသည်။
ဒဏ်ရာရလားခသူမှာ မင်းပြားမြို့နယ်၊ သမင်ခရာ(အိမ်ရှိမင်း)ရွာမှ ဦးမောင်အေးစိန်(၄၈နှစ်)ဖြစ်ပြီး၊ ရွာ၏ အနောက်ဘက် င/တန်ပျင်းချောင်းတဖက်ကမ်းတွင် ကဏန်းထောင်လားရာမှ စစ်ကောင်စီတပ် ထောင်ထားသည့်မိုင်းကို နင်းမိခြင်းဖြစ်သည်။
ယင်းမိုင်းပေါက်ကွဲမှုကြောင့် ဦးမောင်အေးစိန် ၏ ညာဖက်ခြီထောက် နီရာ၌ပင် ပြတ်ထွက်လားသည့်အပြင် ဘယ်ဖက်ခြီ ထောက်မှာလေ့ ပြင်းပြင်းထန်ထန်ဒဏ်ရာရလားခပြီး မင်းပြားမြို့မဆီးရုံကြီး၌ ဆီးကုသမှုခံယူနီကြောင်း သိရသည်။
ဦးမောင်အေးစိန် မိုင်းနင်းမိခသည့် နီရာအနားတွင် မင်းပြားအခြီစိုက် စစ်ကောင်စီတပ် ခမရ (၃၇၉)နန့် ခမရ(၅၄၁)တပ်ရင်းများ တပ်စွဲနီထိုင်လျက်ဟိပြီး၊တပ်စခန်းအနားပတ်ဝန်းကျင်၌မိုင်းကွင်းများပြုလုပ်၍ မြီမြှုပ်မိုင်းများထောင်ထားသည်ဟုသိရသည်။
ကုန်ခသည့် ဂျူလိုင် ၃ ရက်နိကလေ့ မင်းပြားအခြီစိုက် စစ်ကောင်စီတပ် တိုင်းဗဟို(၉) အနားတွင် မိုင်းတလုံးပေါက်ကွဲ၍ ဒေသခံ ချင်းလူငယ်တယောက် ပြင်းပြင်းထန်ထန်ဒဏ်ရာ ရလားခသိမ့်သည်။
ယင်းနည်းတူရက္ခိုင်ပြည်အတွင်း မင်းပြားအပါအဝင် မြို့နယ်များ၌ မိုင်းပေါက်ကွဲမှုများ မကြာမကြာ ဖြစ်ပေါ် လျက်ဟိပြီး လယ် သမားများပိုင်ဆိုင်သည့် ကျွဲ၊ နွားသီဆုံးမှုများ၊အရပ်သားများ၏ကိုယ်လက်အင်္ဂါ၊ အသက် ဆုံးယှုံးမှုများ ဆက်တိုက် ဖြစ်ပေါ် လျက်ဟိသည်။
မိုင်းပေါက်ကွဲမှုများသည် စစ်ကောင်စီတပ်ရင်း၊ တပ်ဖွဲ့များနန့်နီးစပ်သည့်နီရာများ၊ စစ်ကောင်စီတပ် တပ်စွဲနီထိုင်ခသည့် နီရာများ နန့် အယင်က တိုက်ပွဲဖြစ်ပွားခသည့် နီရာများ၌ ပေါက်ကွဲနီခြင်းဖြစ်သည်။
ရက္ခိုင်အမျိုးသားအဖွဲ့ချုပ်/ရက္ခိုင့်တပ်တော်(ULA/AA)ကလေ့ “ပြည်သူများအနီနန့်မိုင်းအန္တရာယ်ကြောင့် ကိုယ်လက် အင်္ဂါဆုံး ယှုံးခြင်းနန့် အသက်အန္တရာယ်ဆုံးယှုံးခြင်းများ မဖြစ်စီရန် စစ်ကောင်စီတပ်ရင်း တပ်ဖွဲ့များနန့် နီးစပ်သော နီရာများ၊ တိုက်ပွဲဖြစ် ပွားခသည့် နီရာများနန့် အယင်က စစ်ကောင်စီတပ်ဖွဲ့စခန်းချနီထိုင်ခသောနီရာများသို့ လုံးဝမလားလာကတ်ရန်” အကြိမ်ကြိမ် သတိပီး တိုက်တွန်းထားပါသည်။
(Zawgyi)
မင္းျပားတြင္ စစ္ေကာင္စီတပ္ ေထာင္ထားသည့္မိုင္းေၾကာင့္ ေဒသခံတေယာက္ ညာဖက္ၿခီေထာက္ ျပတ္ထြက္
APM၊ စပ္တမ္ဘာ ၁၁/၂၀၂၂
မင္းျပားၿမိဳ႕နယ္တြင္ စပ္တမ္ဘာ ၁၁ ရက္နိ မိုးထ ၉ နာရီခန႔္က စစ္ေကာင္စီတပ္ ေထာင္ထားေသာမိုင္းကို တက္နင္းမိ၍ ေပါက္ကြဲမႈျဖစ္ၿပီး ေဒသခံ တေယာက္ ညာဖက္ၿခီေထာက္ ျပတ္ထြက္လားခေၾကာင္း သိရသည္။
ဒဏ္ရာရလားခသူမွာ မင္းျပားၿမိဳ႕နယ္၊ သမင္ခရာ(အိမ္ရွိမင္း)႐ြာမွ ဦးေမာင္ေအးစိန္(၄၈ႏွစ္)ျဖစ္ၿပီး၊ ႐ြာ၏ အေနာက္ဘက္ င/တန္ပ်င္းေခ်ာင္းတဖက္ကမ္းတြင္ ကဏန္းေထာင္လားရာမွ စစ္ေကာင္စီတပ္ ေထာင္ထားသည့္မိုင္းကို နင္းမိျခင္းျဖစ္သည္။
ယင္းမိုင္းေပါက္ကြဲမႈေၾကာင့္ ဦးေမာင္ေအးစိန္ ၏ ညာဖက္ၿခီေထာက္ နီရာ၌ပင္ ျပတ္ထြက္လားသည့္အျပင္ ဘယ္ဖက္ၿခီ ေထာက္မွာေလ့ ျပင္းျပင္းထန္ထန္ဒဏ္ရာရလားခၿပီး မင္းျပားၿမိဳ႕မဆီး႐ုံႀကီး၌ ဆီးကုသမႈခံယူနီေၾကာင္း သိရသည္။
ဦးေမာင္ေအးစိန္ မိုင္းနင္းမိခသည့္ နီရာအနားတြင္ မင္းျပားအၿခီစိုက္ စစ္ေကာင္စီတပ္ ခမရ (၃၇၉)နန႔္ ခမရ(၅၄၁)တပ္ရင္းမ်ား တပ္စြဲနီထိုင္လ်က္ဟိၿပီး၊တပ္စခန္းအနားပတ္ဝန္းက်င္၌မိုင္းကြင္းမ်ားျပဳလုပ္၍ ၿမီျမႇဳပ္မိုင္းမ်ားေထာင္ထားသည္ဟုသိရသည္။
ကုန္ခသည့္ ဂ်ဴလိုင္ ၃ ရက္နိကေလ့ မင္းျပားအၿခီစိုက္ စစ္ေကာင္စီတပ္ တိုင္းဗဟို(၉) အနားတြင္ မိုင္းတလုံးေပါက္ကြဲ၍ ေဒသခံ ခ်င္းလူငယ္တေယာက္ ျပင္းျပင္းထန္ထန္ဒဏ္ရာ ရလားခသိမ့္သည္။
ယင္းနည္းတူရကၡိဳင္ျပည္အတြင္း မင္းျပားအပါအဝင္ ၿမိဳ႕နယ္မ်ား၌ မိုင္းေပါက္ကြဲမႈမ်ား မၾကာမၾကာ ျဖစ္ေပၚ လ်က္ဟိၿပီး လယ္ သမားမ်ားပိုင္ဆိုင္သည့္ ကြၽဲ၊ ႏြားသီဆုံးမႈမ်ား၊အရပ္သားမ်ား၏ကိုယ္လက္အဂၤါ၊ အသက္ ဆုံးယႈံးမႈမ်ား ဆက္တိုက္ ျဖစ္ေပၚ လ်က္ဟိသည္။
မိုင္းေပါက္ကြဲမႈမ်ားသည္ စစ္ေကာင္စီတပ္ရင္း၊ တပ္ဖြဲ႕မ်ားနန႔္နီးစပ္သည့္နီရာမ်ား၊ စစ္ေကာင္စီတပ္ တပ္စြဲနီထိုင္ခသည့္ နီရာမ်ား နန႔္ အယင္က တိုက္ပြဲျဖစ္ပြားခသည့္ နီရာမ်ား၌ ေပါက္ကြဲနီျခင္းျဖစ္သည္။
ရကၡိဳင္အမ်ိဳးသားအဖြဲ႕ခ်ဳပ္/ရကၡိဳင့္တပ္ေတာ္(ULA/AA)ကေလ့ “ျပည္သူမ်ားအနီနန႔္မိုင္းအႏၲရာယ္ေၾကာင့္ ကိုယ္လက္ အဂၤါဆုံး ယႈံးျခင္းနန႔္ အသက္အႏၲရာယ္ဆုံးယႈံးျခင္းမ်ား မျဖစ္စီရန္ စစ္ေကာင္စီတပ္ရင္း တပ္ဖြဲ႕မ်ားနန႔္ နီးစပ္ေသာ နီရာမ်ား၊ တိုက္ပြဲျဖစ္ ပြားခသည့္ နီရာမ်ားနန႔္ အယင္က စစ္ေကာင္စီတပ္ဖြဲ႕စခန္းခ်နီထိုင္ခေသာနီရာမ်ားသို႔ လုံးဝမလားလာကတ္ရန္” အႀကိမ္ႀကိမ္ သတိပီး တိုက္တြန္းထားပါသည္။
