
APM၊ ဂျူလိုင် ၁၁/ ၂၀၂၃
ဂျပန်နိုင်ငံအနောက်တောင်ပိုင်း ကျူချူးကျွန်း၌ ဂျူလိုင် ၁၀ ရက်နိမှစ၍ မိုးပြင်းပြင်းထန်ထန်ရွာသွန်းရာမှ ရီကြီးမြီပြိုမှုများ ကြောင့် သီဆုံးလူ ၆ ယောက်အထိဟိလာကြောင်း တာဝန်ဟိသူများက ဂျူလိုင် ၁၁ရက်နိတွင် ပြောသည်။
ဂျပန်အစိုးရ အတွင်းဝန်ချုပ် ဟီရိုကာဇူ မတ်ဆူနိုက “ဂျူလိုင် ၁၀ ရက်နိက မြီပြိုမှုအတွင်း လူ ၃ ယောက်ဟိခပြီး၊တခြား ရီကြီးမှုနန့် ဆက်စပ်လို့လေ့ ၃ ယောက် သီဆုံးကာပျောက်နီလူ ၃ ယောက် နန့် ထိခိုက်ဒဏ်ရာရလူ ၂ ယောက် ဟိကြောင်း” ဆိုသည်။
ကျူချူးကျွန်းမြောက်ပိုင်း၊ဖူကူအိုကာစီရင်စု၌ မိုးရီချိန် ၅၀၀ မီလီမီတာကျော် အထိရွာသွန်းခပြီးနောက် မြီပြိုကျမှုများ ထပ် ဖြစ်ပွားနိုင်ကြောင်း ဂျပန်မိုးလီဝသအေဂျင်စီက သတိပီးထားသည်။
ယင်းအပြင် ဂျပန်မိုးလီဝသအေဂျင်စီက ဖူကူအိုကာနန့် အိုအီတာစီရင်စုများတွင် အရေးပေါ်သတိပီးချက်ထုတ်ပြန်ထားပြီး မြစ်ကမ်းပါးနန့် တောင်စောင်းဒေသများမှ ပြည်သူ ၁.၇ သန်းကို ဖီးကင်းရာသို့ ရွှိပြောင်း နီထိုင်ဖို့ ဆော်ဩထားသည်။
Source – Heavy rain in southern Japan leaves up to six dead, 3 missing/ Reuters
Photo – Reuters
