APM ၊ ဂျူလိုင် ၁၁ / ၂၀၂၃
ဂျူဗင်တပ်စ်အသင်းဥက္ကဌဟောင်း အန်ဒရီယာ အက်ဂနီလီအား ကဇတ်သမားများအား ငွေပေးချီမှုတွင် မှားယွင်းမှုများ ကြောင့် အီတလီဘောလုံးတရားရုံးတရုံးမှ ၁၆ လကြာ ပွဲပယ်ပြစ်ဒဏ်ချမှတ်လိုက်ကြောင်း အမျိုးသားဘောလုံးအဖွဲ့ချုပ် (FIGC) က ဂျူလိုင် ၁၀ ရက်နိတွင် ပြောကြားသည်။
အက်ဂနီလီသည် ဂျူဗင်တပ်စ်အသင်း ဥက္ကဋ္ဌအဖြစ် ဆယ်စုနှစ်တခုကျော်ကြာ တာဝန်ယူခပြီးနောက် ငွေကြေးအရှုပ်တော် ပုံကြောင့် ကုန်ခသည့် ၂၀၂၂ ခုနှစ်၊ နိုဗမ်ဘာလတွင် အသင်းမှ နုတ်ထွက်လားခသည်။
FIGC သည် ၂၀၂၁ ခုနှစ်တွင် တိုးချဲပြုလုပ်ရန် စီစဉ်ခသည့် ဥရောပစူပါလိဂ်ပရောဂျက်၏ နောက်ကွယ်၌ ပါဝင်ပတ်သတ်မှု ဟိသည်ဟုဆိုကာ ၎င်းအား ဒဏ်ငွေ ယူရို ၆၀၀၀၀ (ဒေါ်လာ ၆၆၀၀၀) ကိုလေ့ ချမှတ်ခသိမ့်ကြောင်းသိရသည်။
ယင်းနည်းတူ ကဇတ်သမားများ အပြောင်းအရွှိတွင် စည်းမျည်းချိုးဖောက်မှုကြောင့် ဂျူဗင်တပ်စ်အသင်းကိုပါ ဒဏ်ငွေ ယူရို ၇၁၈၀၀၀ နန့် ရမှတ် ၁၀ မှတ် ပြစ်ဒဏ်ကို ပြီးခသည့် မေလတွင် အီတလီဘောလုံးအာဏာပိုင်များက ချမှတ်ခသည်။
Source- Agnelli, the former president of Juventus, was banned from matches by the FIGC for 16 months/barrons.com
Photo-Reuters
