APM၊ ဂျူလိုင် ၁၁/၂၀၂၂
အင်အား ၅၀ ပါ စစ်ကောင်စီတပ်စစ်ကြောင်းတခုသည် ဂျူလိုင် ၁၀ ရက်နိ၊ မိုးထ ၁၀ နာရီကျော်က တောင်ကုတ်မြို့နယ်၊ ကံပြင်ရွာသို့ စီးနင်းဝင်ရောက်ပြီး ULA/AA ကိုရှာသည်ဟုအကြောင်းပြ၍ ရွာမှကိုအောင်ကျော်နိုင်၏အိမ်ကို မွှီနှောက်ခကြောင်း သတင်းရဟိသည်။
ယင်းစစ်ကောင်စီတပ်စစ်ကြောင်းသည် ကိုအောင်ကျော်နိုင်ကို မတွိ၍ အိမ်၌သိမ်းဆည်းထားသော ရွှေနားဒေါင်းတရံ အပါအဝင် ရွှေထည်ပစ္စည်းတချို့နန့် ငွေကျပ် ၄ သိန်းကျော်ကို ခိုးယူလားခသည်ဟု သိရသည်။
“ကိုအောင်ကျော်နိုင်ကို မတွိလို့ ယင်းချင့်တိကို ယူလားခစွာပါ။ မိသားစုတိကတော့ ယင်းစစ်သားတိယူလားရေ ပစ္စည်းတိကို စာရင်းလုပ်ပျာ ရွာလူကြီးတိကို တိုင်ထားပါရေ” ဟု နာမည်မဖော်လိုသော ရွာသားတယောက်က ပြောသည်။
ဂျူလိုင် ၉ ရက်နိကလေ့ ကိုအောင်ကျော်နိုင်ကို တောင်ကုတ်မြို့နယ် ရွာမရဲစခန်းမှ စခန်းသို့လာရောက်ဖို့ သမ္မာန်စာနန့် ဆင့်ခေါ်ခသိမ့်ကြောင်း သိရသည်။
အဂုပိုင် စစ်ကောင်စီတပ်က အိမ်တွင်းသို့ အတင်းအဓမ္မဝင်ရောက် မွှီနှောက်ရှာဖွီ လုယက်မှုကြောင့် ကိုအောင်ကျော်နိုင်ရို့ မိသားစုမှာ တိမ်းယှောင်နီကတ်ရသည်။
လက်ဟိ တောင်ကုတ်မြို့နယ်တွင် စစ်ကောင်စီတပ်က အင်အားအများအပြားနန့် စစ်ရီးလှုပ်ယှားမှုများ၊စီးနင်းဝင်ရောက်ရှာဖွီမှုများ ဟိနီ၍ ဒေသခံလူငယ်တချို့ တိမ်းယှောင်နီကတ်ရသည်ဟု သိဟိရပါသည်။
(Zawgyi)
ေတာင္ကုတ္မွာ စစ္ေကာင္စီတပ္က လူနီအိမ္တလုံးသို႔ စီးနင္းဝင္ေရာက္ၿပီး ေ႐ႊထည္ပစၥည္းမ်ားနန႔္ ေငြ ၄ သိန္းေက်ာ္ ခိုးယူ
APM၊ ဂ်ဴလိုင္ ၁၁/၂၀၂၂
အင္အား ၅၀ ပါ စစ္ေကာင္စီတပ္စစ္ေၾကာင္းတခုသည္ ဂ်ဴလိုင္ ၁၀ ရက္နိ၊ မိုးထ ၁၀ နာရီေက်ာ္က ေတာင္ကုတ္ၿမိဳ႕နယ္၊ ကံျပင္႐ြာသို႔ စီးနင္းဝင္ေရာက္ၿပီး ULA/AA ကိုရွာသည္ဟုအေၾကာင္းျပ၍ ႐ြာမွကိုေအာင္ေက်ာ္ႏိုင္၏အိမ္ကို မႊီေႏွာက္ခေၾကာင္း သတင္းရဟိသည္။
ယင္းစစ္ေကာင္စီတပ္စစ္ေၾကာင္းသည္ ကိုေအာင္ေက်ာ္ႏိုင္ကို မတြိ၍ အိမ္၌ သိမ္းဆည္းထားေသာ ေ႐ႊနားေဒါင္းတရံ အပါအဝင္ ေ႐ႊထည္ပစၥည္းတခ်ိဳ႕နန႔္ ေငြက်ပ္ ၄ သိန္းေက်ာ္ကို ခိုးယူလားခသည္ဟု သိရသည္။
“ကိုေအာင္ေက်ာ္ႏိုင္ကို မတြိလို႔ ယင္းခ်င့္တိကို ယူလားခစြာပါ။ မိသားစုတိကေတာ့ ယင္းစစ္သားတိယူလားေရ ပစၥည္းတိကို စာရင္း လုပ္ပ်ာ ႐ြာလူႀကီးတိကို တိုင္ထားပါေရ” ဟု နာမည္မေဖာ္လိုေသာ ႐ြာသားတေယာက္က ေျပာသည္။
ဂ်ဴလိုင္ ၉ ရက္နိကေလ့ ကိုေအာင္ေက်ာ္ႏိုင္ကို ေတာင္ကုတ္ၿမိဳ႕နယ္ ႐ြာမရဲစခန္းမွ စခန္းသို႔လာေရာက္ဖို႔ သမၼာန္စာနန႔္ ဆင့္ေခၚခသိမ့္ ေၾကာင္း သိရသည္။
အဂုပိုင္ စစ္ေကာင္စီတပ္က အိမ္တြင္းသို႔ အတင္းအဓမၼဝင္ေရာက္ မႊီေႏွာက္ရွာဖြီ လုယက္မႈေၾကာင့္ ကိုေအာင္ေက်ာ္ႏိုင္႐ို႕ မိသားစုမွာ တိမ္းေယွာင္နီကတ္ရသည္။
လက္ဟိ ေတာင္ကုတ္ၿမိဳ႕နယ္တြင္ စစ္ေကာင္စီတပ္က အင္အားအမ်ားအျပားနန႔္ စစ္ရီးလႈပ္ယွားမႈမ်ား၊စီးနင္းဝင္ေရာက္ရွာဖြီမႈမ်ား ဟိနီ၍ ေဒသခံ လူငယ္တခ်ိဳ႕ တိမ္းေယွာင္နီကတ္ရသည္ဟု သိဟိရပါသည္။
