APM ၊ ဧပြီ ၁၁/ ၂၀၂၄
ဧပြီ ၉ ရက်နိ၊ ညဇာပိုင်းမာ ဘူးသီးတောင်မြို့နယ်က အပြစ်မဲ့ပြည်သူ ၅ ယောက်ကို အကြမ်းဖက်စစ်ကောင်စီတပ်ဖွဲ့ဝင်တိ မတရား ဖမ်းဆီးလားရေလို့ သတင်းရဟိပါရေ။
အဖမ်းခံရလူတိစွာ ဘူးသီးတောင်မြို့နယ်၊ စိုင်းဒင်က ကိုသန်းမောင်၊ ဦးထွန်းအောင်၊ ဦးဝေသာမောင်၊ ဦးရွှီလှ နန့် ဒေါ်စိန်ခေါင် ရို့ ဖြစ်တေလို့ သိရပါရေ။
ယင်းအပြစ်မဲ့ပြည်သူ ၅ ယောက်စွာ ဧပြီ ၉ ရက်နိ၊ ညဇာ ၅ နာရီကျော်မာ ဘူးသီးတောင်မြို့နယ်၊ အင်ကြင်းမြိုင် (နတလ)ရွာသို့ရောက်နီချိန် ဘူးသီးတောင်အခြီစိုက် စစ်ကောင်စီတပ် ခမရ (၅၅၁)တပ်ရင်းက တပ်ဖွဲ့ဝင်တိ လာရောက်ဖမ်းဆီးလားခစွာလို့ ရွာသားတိက ပြောပါရေ။
ယင်းနောက် သူရို့ကို ခမရ (၅၅၁)တပ်ရင်းသို့ ခေါ်ဆောင်လားခရေလို့ သိရပါရေ။
ယင်းဖမ်းဆီးခံထားရရေ အပြစ်မဲ့ပြည်သူတိစွာ လက်ဟိအချိန်ထိ လွတ်မြောက်လာခြင်းမဟိသိမ့်ပိုင်၊ မိသားစုဝင်တိနန့်လည်း အဆက်သွယ်မရသိမ့်လို့ သိဟိရပါရေ။
Please follow and like us:
