
APM ၊ ဧပြီ ၁၁ / ၂၀၂၃
ဘိုင်ယန်မြူးနစ်နည်းပြ သောမတ်တူချယ်က နည်းပြပတ်ဂွာဒီယီုလာ၏ မန်စီးတီးအသင်းကို ဖြတ်ကျော်ရန် ၎င်းအနီနန့် ညည့်အိပ်မဖြောင့်နိုင်ခကြောင်း ဒေနိ(ဧပြီ ၁၁ ရက်)နိ ညည့် ၁ နာရီခွဲတွင်ယှဥ်ပြိုင်မည့် ပွဲကြိုသတင်း စာယှင်းလင်းပွဲ၌ ဝန်ခံပြောကြားလိုက်သည်။
ဘိုင်ယန်မြူနစ်အသင်းသည် ချန်ပီယံလိဂ်ကွာတားဖိုင်နယ်ပွဲစဥ်အဖြစ် မန်စီးတီးအိမ်ကွင်း (အီတင်ဟဒ်) တွင် ယှဥ်ပြိုင် ကဇတ်ရမည်ဖြစ်ပြီး၊ ၎င်းရို့နှစ်သင်းသည် (၂၁) ရာစုအတွင်း ချန်ပီယံလိဂ်ပြိုင်ပွဲတွင် (၆) ကြိမ်တွိဆုံခရာ ဘိုင်ယန်မြူး နစ်အသင်းက (၄) ကြိမ်အထိ အနိုင်ရဟိထားကသည်။
“ဂွါဒီယိုလာက မန်စီးတီးမှာ ၆ နှစ် ၇ နှစ် လောက်ဟိပါယာ။ အသင်းအပေါ် သူ့၏သြဇာလွှမ်းမိုးမှုကလေ့ ဥရောပ ဘောလုံး လောကနန့် နှိုင်းယှဥ်ကေ အမြင့်ဆုံးအဆင့်မှာဟိပါရေ။ ဒေပွဲအတွက် ဇာပိုင်လုပ်ကေကောင်းဖို့လဲ အဖြေအတွက် ကျနော် ညည့်မအိပ်နိုင်ခပါ။ နောက်တခုက မန်စီးတီးတိုက်စစ်မှူး ဟာလန်းနန့် ကွင်းလယ်လူ ဒီဘရိုင်း ကိုလေ့ ထိမ်းချုပ်ဖို့ခက်ပါဖို့။ ယေကေလေ့ ကျနော်ရို့အနီနန့် အသင်းလိုက်အကောင်းဆုံးလုပ်ဆောင်လားပါဖို့” ဟု ပြောဆိုခသည်။
ဂျာမန်ကလပ် ဘိုင်ယန်မြူးနစ်အသင်းသည် ဒေဂုရာသီချန်ပီယံလိဂ် ၈ ပွဲကဇတ်ထားရာ ရာနှုန်းပြည့်အနိုင်ရ ဟိထားပြီး Clean Sheet လေ့ ၇ ပွဲအထိရဟိထားကြောင်းသိရသည်။
Source – Thomas Tuchel admits difficulty sleeping ahead of Bayern Munich’s tie against Manchester City
Photo – The Guardian
