APM၊ စပ်တမ်ဘာ ၁၀/ ၂၀၂၃
အာဖရိကသမဂ္ဂ(AU)ကို ကမ္ဘာ့စီးပွားရီးအင်အားကြီးနိုင်ငံ ၂၀ ပါဝင်ရေ ဂျီ-၂၀ အမြဲတမ်းအဖွဲ့ဝင်အဖြစ် နယူးဒေလီမြို့မာ စပ်တမ်ဘာ ၉ ရက်နိကစလို့ ကျင်းပနီရေ ဂျီ-၂၀ ထိပ်သီး အစည်းအဝေးက သဘောတူလိုက်ပါရေ။
အာဖရိကသမဂ္ဂကို ဂျီ-၂၀ အမြဲတမ်းအဖွဲ့ဝင်အဖြစ် ကြိုဆိုရေလို့ အိန္ဒိယဝန် ကြီးချုပ် နရင်ဒရာမိုဒီက ပြောကြားလားပြီးကေ အာဖရိကသမဂ္ဂပါဝင်ခြင်းကြောင့် ဂျီ-၂၀ အဖွဲ့၏လုပ်ဆောင်ချက်ပို ထိရောက်ဖို့လို့ ဆိုပါရေ။
အာဖရိကသမဂ္ဂ၏ အလှည့်ကျဥက္ကဋ္ဌဖြစ်တေ ကော်မိုရိုနိုင်ငံသမ္မတ Azali Assoumani ကလည်း ဂျီ-၂၀ အမြဲတမ်း အဖွဲ့ဝင် နိုင်ငံအဖြစ် လက်ခံမှုကို ကြိုဆိုခပြီးကေ တခြားနိုင်ငံဂေါင်းဆောင်တိ ထောကျခံမှုကျု ကျယ်ကျယ်ပြန့်ပြန့် လုပ် ဆောင်ခ ကတ်ပါရေ။
ယင်းကြောင့် အာဖရိကနိုင်ငံပေါင်း ၅၅ နိုင်ငံပါဝင်ရေ အာဖရိကသမဂ္ဂရေ ဥရောပသမဂ္ဂ(EU)ပြီးကေ ဂျီ-၂၀ အဖွဲ့မာ ဒုတိယ မြောက် အမြဲတမ်းအဖွဲ့ဝင်ဖြစ်လာရေ ဒေသဆိုင်ရာ အဖွဲ့အစည်းဖြစ်လာပါရေ။
အာဖရိကတိုက်စွာ ကမ္ဘာ့ပြန်လည်ပြည့်ဖြိုးမြဲစွမ်းအင်ပိုင်ဆိုင်မှု၏ ၆၀ ရာခိုင်နှုန်းဟိပြီးကေ ကမ္ဘာကြီးတခုလုံး၏ ကာဗွန်နန့် ဓာတ်သတ္တု ၃၀ ရာခိုင်နှုန်းကို ပိုင်ဆိုင်ထားပါရေ။
Source – G20 admits African Union as permanent member at New Delhi summit
Photo – AP
