APM၊ စပ်တမ်ဘာ ၁၀/၂၀၂၂
မောင်တောမြို့နယ်၊လောင်းဒုံ(မြို)ရွာ (ခ) ဂြိတ်ချောင်းရွာ၏ အရှိတောင်ဘက် (၃) ကီလိုမီတာခန့်အကွာ ဂုတ်ပီကျော်လမ်း (ပဲရွမ်း တောင်)ဟိ စစ်ကောင်စီတပ်၏ ခမရ (၃၅၂) တပ်ရင်း စခန်းကုန်းတခုအား ရက္ခိုင့်တပ်တော် AA က ထပ်မံသိမ်းပိုက်လိုက် ကြောင်း AA မှ ဒေနိ (စပ်တမ်ဘာ ၁၀ ရက်နိ) တွင် သတင်းထုတ်ပြန်လိုက်သည်။
ရက္ခိုင့်တပ်တော် ၏ သတင်းထုတ်ပြန်ချက်၌ “၂၀၂၂ ခုနှစ်၊ ဩဂတ်စ်လ (၃၁) ရက်နိတွင် ရက္ခိုင်-ဘင်္ဂလားနယ်စပ်၊ မိုင်တိုင်အမှတ် (၄၀) အနားဟိ စစ်ကောင်စီ၏ တပ်စခန်းတခုကို ရက္ခိုင့်တပ်တော်မှ အပြီးသတ်သိမ်းပိုက်ရယူနိုင်ခပြီးနောက် စစ်ကောင်စီတပ် သည် ၎င်းစခန်းအား ပြန်လည်ရယူရန် ကြိုးစားလျက်ဟိကြောင်း ထုတ်ပြန်ခပြီး စစ်အင်အားများတိုးချဲ့ကာ လီကြောင်းတိုက်ခိုက် မှုများ၊လက်နက်ကြီးပစ်ကူများဖြင့် ၎င်းစခန်းအနားတဝိုက်နန့်တခြား ရက္ခိုင်နန့်ပလက်ဝ နီရာများကိုပါ ပြင်းပြင်းထန်ထန် ထိုးစစ် ဆင်နီခသည်မှာ တပတ်ကျော် ကြာမြင့်ခပြီးဖြစ်သည်” ဟု ဖော်ပြထားသည်။
ယင်းသို့ စစ်ကောင်စီတပ်မှ လူအင်အားတိုးချဲ့ကာ လီကြောင်းတိုက်ခိုက်မှုများ၊ လက်နက်ကြီးပစ်ကူများနန့် အပြင်းအထန် ထိုးစစ် ဆင်နီချိန် ဒေနိ (စပ်တမ်ဘာ ၁၀ ရက်နိ) မိုးထ (၆) နာရီ (၁၇) မိနစ်ခန့်တွင် မိုင်တိုင်အမှတ် (၄၀)မှ ဝေးကွာသောနေရာ ဖြစ်သည့် မောင်တော မြို့နယ်၊ လောင်းဒုံ(မြို)ရွာ (ခ) ဂြိတ်ချောင်းရွာ၏ အရှိတောင်ဘက် (၃) ကီလိုမီတာခန့်အကွာ ဂုတ်ပီကျော်လမ်း (ပဲရွမ်းတောင်)ဟိ စစ်ကောင်စီတပ်၏ ခမရ (၃၅၂)တပ်ရင်းစခန်းကုန်းတခုကို ရက္ခိုင့်တပ်တော်မှ ထိုးစစ်ဆင်တိုက်ခိုက်ခရာ မိုးထ(၇) နာရီ (၂၂) မိနစ် အချိန်၌ ယင်းစခန်းကုန်းအား အောင်မြင်စွာသိမ်းပိုက်ရဟိခကြောင်း၊ တိုက်ပွဲအတွင်း စစ်ကောင်စီတပ် ဖက်မှ အများအပြား သီဆုံးပြီးလက်နက်ခဲယမ်း အများအပြားသိမ်းဆည်းရမိကာ စစ်ကောင်စီတပ်သားတချို့ကိုလေ့သုံ့ပန်းအဖြစ် ဖမ်းဆီးရမိခကြောင်းနန့်စစ်ကောင်စီတပ်မှ၎င်းစခန်းကုန်းနီရာအနားတဝိုက်သို့ရဟတ်ယာဉ်များ၊ဂျက်တိုက်လီယာဉ်များဖြင့် တနီကုန်လာရောက် တိုက် ခိုက်နီခကြောင်း AA ၏ ထုတ်ပြန်ချက်တွင် ဖော်ပြထားသည်။
ဩဂတ်စ်လမှစ၍ ရက္ခိုင်နန့် ပလက်ဝ ဒေသများတွင် ရက္ခိုင့်တပ်တော်နန့် စစ်ကောင်စီတပ်ရို့ တကျော့ပြန် တိုက်ပွဲများ ပြင်းထန် နီပြီး၊ တိုက်ပွဲများ ပြင်းပြင်းထန်ထန် နိစဉ်ဖြစ်ပွားလျက်ဟိသည်။
တိုက်ပွဲတိုင်း၌ စစ်ကောင်စီတပ်ဖက်မှ အထိနာ အကျအဆုံးများကာ စခန်းများတခုပြီးတခု လက်လွှတ်ဆုံးယှုံးနီသည့်အပြင် စစ်ကောင်စီတပ်သားများမှာလေ့ တပ်တွင်းမှထွက်ဗြီးကာလက်နက်ချအညံ့ခံမှုများမှာမြန်မာပြည့်အနှံ့တနိတခြားတိုးပွားများပြား လျက်ဟိသည်။
မြီပြင်တွင် အထိနာ အကျအဆုံးများပြီး ယှုံးမဲမဲနီသော စစ်ကောင်စီတပ်သည် အပြစ်မဲ့ရွာသူရွာသားများကို ဖမ်းဆီးနှိပ်စက်သတ် ဖြတ်ခြင်း၊ ပိုတာဆွဲခြင်း၊ လူသားဒိုင်းကာပြုလုပ်ခြင်း၊ ရှေးဟောင်းသမိုင်း ဝင်ယဉ်ကျေးမှုအမွီအနှစ်များ၊ သာသနိက အဆောက် အအုံများအား ဖျက်ဆီးခြင်း၊ ဘာသာရီးအဆောက် အအုံများ၌ တပ်စွဲနီရာယူ၍ ကျေးရွာများသို့ လက်နက်ကြီးများဖြင့် ပစ်ခတ် ခြင်း၊လီကြောင်းမှဗုံးကြဲတိုက်ခိုက်ခြင်း၊မီးတိုက်ခြင်း စသည့် စစ်ကောင်စီ၏လူမဆန်သည့် လုပ်ရပ်များကြောင့် အပြစ်မဲ့အရပ်သား ပြည်သူများမှာ မိမိရို့နီအိမ်များကိုစွန့်ခွာပြီး အဝတ်တစ်ထည် ကိုယ်တလုံးဖြင့် စစ်ဖီးယှောင်နီကတ်ရသည့် စစ်ဖီးယှောင်ဦးရေမှာ လေ့ တရက်ထက်တရက် များပြားလာနီကြောင်း သိဟိရပါသည်။
(Zawgyi)
စစ္ေကာင္စီတပ္၏ ေနာက္ထပ္ စခန္းကုန္းတခုအား AA ထပ္သိမ္းျပန္
APM၊ စပ္တမ္ဘာ ၁၀/၂၀၂၂
ေမာင္ေတာၿမိဳ႕နယ္၊ေလာင္းဒုံ(ၿမိဳ)႐ြာ (ခ) ၿဂိတ္ေခ်ာင္း႐ြာ၏ အရွိေတာင္ဘက္ (၃) ကီလိုမီတာခန႔္အကြာ ဂုတ္ပီေက်ာ္လမ္း (ပဲ႐ြမ္း ေတာင္)ဟိ စစ္ေကာင္စီတပ္၏ ခမရ (၃၅၂) တပ္ရင္း စခန္းကုန္းတခုအား ရကၡိဳင့္တပ္ေတာ္ AA က ထပ္မံသိမ္းပိုက္လိုက္ ေၾကာင္း AA မွ ေဒနိ (စပ္တမ္ဘာ ၁၀ ရက္နိ) တြင္ သတင္းထုတ္ျပန္လိုက္သည္။
ရကၡိဳင့္တပ္ေတာ္ ၏ သတင္းထုတ္ျပန္ခ်က္၌ “၂၀၂၂ ခုႏွစ္၊ ဩဂတ္စ္လ (၃၁) ရက္နိတြင္ ရကၡိဳင္-ဘဂၤလားနယ္စပ္၊ မိုင္တိုင္အမွတ္ (၄၀) အနားဟိ စစ္ေကာင္စီ၏ တပ္စခန္းတခုကို ရကၡိဳင့္တပ္ေတာ္မွ အၿပီးသတ္သိမ္းပိုက္ရယူႏိုင္ခၿပီးေနာက္ စစ္ေကာင္စီတပ္ သည္ ၎စခန္းအား ျပန္လည္ရယူရန္ ႀကိဳးစားလ်က္ဟိေၾကာင္း ထုတ္ျပန္ခၿပီး စစ္အင္အားမ်ားတိုးခ်ဲ႕ကာ လီေၾကာင္းတိုက္ခိုက္ မႈမ်ား၊လက္နက္ႀကီးပစ္ကူမ်ားျဖင့္ ၎စခန္းအနားတဝိုက္နန႔္တျခား ရကၡိဳင္နန႔္ပလက္ဝ နီရာမ်ားကိုပါ ျပင္းျပင္းထန္ထန္ ထိုးစစ္ ဆင္နီခသည္မွာ တပတ္ေက်ာ္ ၾကာျမင့္ခၿပီးျဖစ္သည္” ဟု ေဖာ္ျပထားသည္။
ယင္းသို႔ စစ္ေကာင္စီတပ္မွ လူအင္အားတိုးခ်ဲ႕ကာ လီေၾကာင္းတိုက္ခိုက္မႈမ်ား၊ လက္နက္ႀကီးပစ္ကူမ်ားနန႔္ အျပင္းအထန္ ထိုးစစ္ ဆင္နီခ်ိန္ ေဒနိ (စပ္တမ္ဘာ ၁၀ ရက္နိ) မိုးထ (၆) နာရီ (၁၇) မိနစ္ခန႔္တြင္ မိုင္တိုင္အမွတ္ (၄၀)မွ ေဝးကြာေသာေနရာ ျဖစ္သည့္ ေမာင္ေတာ ၿမိဳ႕နယ္၊ ေလာင္းဒုံ(ၿမိဳ)႐ြာ (ခ) ၿဂိတ္ေခ်ာင္း႐ြာ၏ အရွိေတာင္ဘက္ (၃) ကီလိုမီတာခန႔္အကြာ ဂုတ္ပီေက်ာ္လမ္း (ပဲ႐ြမ္းေတာင္)ဟိ စစ္ေကာင္စီတပ္၏ ခမရ (၃၅၂)တပ္ရင္းစခန္းကုန္းတခုကို ရကၡိဳင့္တပ္ေတာ္မွ ထိုးစစ္ဆင္တိုက္ခိုက္ခရာ မိုးထ(၇) နာရီ (၂၂) မိနစ္ အခ်ိန္၌ ယင္းစခန္းကုန္းအား ေအာင္ျမင္စြာသိမ္းပိုက္ရဟိခေၾကာင္း၊ တိုက္ပြဲအတြင္း စစ္ေကာင္စီတပ္ ဖက္မွ အမ်ားအျပား သီဆုံးၿပီးလက္နက္ခဲယမ္း အမ်ားအျပားသိမ္းဆည္းရမိကာ စစ္ေကာင္စီတပ္သားတခ်ိဳ႕ကိုေလ့သုံ႔ပန္းအျဖစ္ ဖမ္းဆီးရမိခေၾကာင္းနန႔္စစ္ေကာင္စီတပ္မွ၎စခန္းကုန္းနီရာအနားတဝိုက္သို႔ရဟတ္ယာဥ္မ်ား၊ဂ်က္တိုက္လီယာဥ္မ်ားျဖင့္ တနီကုန္လာေရာက္ တိုက္ ခိုက္နီခေၾကာင္း AA ၏ ထုတ္ျပန္ခ်က္တြင္ ေဖာ္ျပထားသည္။
ဩဂတ္စ္လမွစ၍ ရကၡိဳင္နန႔္ ပလက္ဝ ေဒသမ်ားတြင္ ရကၡိဳင့္တပ္ေတာ္နန႔္ စစ္ေကာင္စီတပ္႐ို႕ တေက်ာ့ျပန္ တိုက္ပြဲမ်ား ျပင္းထန္ နီၿပီး၊ တိုက္ပြဲမ်ား ျပင္းျပင္းထန္ထန္ နိစဥ္ျဖစ္ပြားလ်က္ဟိသည္။
တိုက္ပြဲတိုင္း၌ စစ္ေကာင္စီတပ္ဖက္မွ အထိနာ အက်အဆုံးမ်ားကာ စခန္းမ်ားတခုၿပီးတခု လက္လႊတ္ဆုံးယႈံးနီသည့္အျပင္ စစ္ေကာင္စီတပ္သားမ်ားမွာေလ့ တပ္တြင္းမွထြက္ၿဗီးကာလက္နက္ခ်အညံ့ခံမႈမ်ားမွာျမန္မာျပည့္အႏွံ႔တနိတျခားတိုးပြားမ်ားျပား လ်က္ဟိသည္။
ၿမီျပင္တြင္ အထိနာ အက်အဆုံးမ်ားၿပီး ယႈံးမဲမဲနီေသာ စစ္ေကာင္စီတပ္သည္ အျပစ္မဲ့႐ြာသူ႐ြာသားမ်ားကို ဖမ္းဆီးႏွိပ္စက္သတ္ ျဖတ္ျခင္း၊ ပိုတာဆြဲျခင္း၊ လူသားဒိုင္းကာျပဳလုပ္ျခင္း၊ ေရွးေဟာင္းသမိုင္း ဝင္ယဥ္ေက်းမႈအမြီအႏွစ္မ်ား၊ သာသနိက အေဆာက္ အအုံမ်ားအား ဖ်က္ဆီးျခင္း၊ ဘာသာရီးအေဆာက္ အအုံမ်ား၌ တပ္စြဲနီရာယူ၍ ေက်း႐ြာမ်ားသို႔ လက္နက္ႀကီးမ်ားျဖင့္ ပစ္ခတ္ ျခင္း၊လီေၾကာင္းမွဗုံးႀကဲတိုက္ခိုက္ျခင္း၊မီးတိုက္ျခင္း စသည့္ စစ္ေကာင္စီ၏လူမဆန္သည့္ လုပ္ရပ္မ်ားေၾကာင့္ အျပစ္မဲ့အရပ္သား ျပည္သူမ်ားမွာ မိမိ႐ို႕နီအိမ္မ်ားကိုစြန္႔ခြာၿပီး အဝတ္တစ္ထည္ ကိုယ္တလုံးျဖင့္ စစ္ဖီးေယွာင္နီကတ္ရသည့္ စစ္ဖီးေယွာင္ဦးေရမွာ ေလ့ တရက္ထက္တရက္ မ်ားျပားလာနီေၾကာင္း သိဟိရပါသည္။
Photo:- AA Info Desk
