APM၊ ဩဂတ်စ် ၁၀ / ၂၀၂၃
UEFA ချန်ပီယံလိဂ်ခြီစစ်ပွဲကဇတ်မည့် ဆွစ်ဇာလန်ကလပ် ဆာဗက်အသင်းမှ ရုသျှားကဇတ်သမားတယောက်ကို ဗြိတိန်နိုင်ငံက ပြည်ဝင်ခွင့်ပိတ်ပင်ခသည့်အတွက် ချန်ပီယံလိဂ်ခြီစစ်ပွဲ နန့် လွဲချော်လားကြောင်း သိရသည်။
ဆွစ်ဇာလန်ကလပ်ဆာဗက်အသင်းမှ ရုသျှားကဇတ်သမား အွန်ဒူအာသည် ဩဂတ်စ် ၉ ရက်နိက စကော့တလန်ကလပ် ရိန်းဂျားအသင်း နန့် ယှဉ်ပြိုင်ကဇတ်မည့် ချန်ပီယံလိဂ်ခြီစစ်ပွဲ တတိယအဆင့် ပထမအကျော့ပွဲစဉ်ကို လွဲချော်လားခြင်းဖြစ်သည်။
အွန်ဒူအာ သည် ကင်မရွန်းလူမျိုးတယောက်ဖြစ်ကေလေ့ ရုသျှားနိုင်ငံသားတယောက်အဖြစ် ခံယူထားခြင်းကြောင့် ဗြိတိန်နိုင်ငံက ပြည်ဝင်မပီးခခြင်းဖြစ်ကြောင်းသိရသည်။
ဆွစ်ဇာလန်ကလပ် ဆာဗက်အသင်းတွင် အသက် ၂၇ နှစ် ကဇတ်သမား အွန်ဒူအာအပြင် တခြားကဇတ်သမား ၇ ယောက်လေ့ ပွဲပယ်ပြစ်ဒဏ် နန့် ဒဏ်ရာပြဿနာများကြောင့် UEFA ချန်ပီယံလိဂ် ခြီစစ်ပွဲနန့် လွဲချော်ခကတ်သိမ့်ကြောင်း သိရသည်။
Source Footballer and Russian citizen Ondoua denied entry into Scotland for UEFA Champions League qualifier
Photo – Inside TheGames
