APM ၊ ဂျူလိုင် ၁၀ / ၂၀၂၃
PSG အသင်းသည် ဘိုင်ယန်မြူးနစ်အသင်းမှ ပြင်သစ် နောက်ခံလူ လူးကပ်စ် ဟာနန်ဒက်ဇ် ကို ၅ နှစ် စာချုပ်ဖြင့် ခေါ်ယူ လိုက်ကြောင်း ဂျူလိုင် ၉ ရက်နိက တရားဝင် ကြေညာသည်။
ကျနော် စိတ်လှုပ်ယှားမိပါရေ။ PSG အသင်းကို ပြောင်းဖို့အတွက် အချိန်အကြာကြီး စောင့်ခရပါရေ။ ဒေဂု ယင်းအချိန်ကို ရောက်လာပါဗျာယ် ဟု ဟာနန်ဒက်ဇ်က PSG အသင်း၏ တရားဝင်ဝက်ဘ်ဆိုက်တွင် ပြောကြားခသည်။
PSG အသင်းသည် နောက်ခံလူ လူးကပ်စ် ဟာနန်ဒက်ဇ် အတွက် ပြောင်းရွှိကြေးအဖြစ် ယူရို သန်း ၄၀ (ပေါင် ၃၄.၂ သန်း) အပြင် အပိုပရိုဂရမ်များလေ့ ပီးချီရမည်ဖြစ်ကြောင်း သတင်းများတွင် ဖော်ပြထားသည်။
အသက် ၂၇ နှစ်အရွယ် ဟာနန်ဒက်ဇ်သည် မန်နူရယ်အူဂတ်၊ လီကန်အင်၊ မီလန်စခရီနီယာ နန့် တိမာကို အာဆင်စီယို ရို့ပြီးလျင် PSG အသင်း၏ ပဉ္စမမြောက် ခေါ်ယူမှုဖြစ်သည်။
ဟာနန့်ဒက်ဇ် သည် ၂၀၁၉ ခုနှစ်တွင် ဘိုင်ယန်မြူးနစ်အသင်းသို့ ရောက် ဟိလာပြီး အသင်းနန့်အတူ ဘွန်ဒက်လီဂါ ချန်ပီယံဆုအပြင် ချန်ပီယံလိဂ်နန့် ဖီဖာကမ္ဘာ့ကလပ်ဖလားရို့ကိုလေ့ ဆွတ်ခူးနိုင်ခကြောင်း သိရသည်။
Source PSG confirm signing of defender Lucas Hernandez for 34.2m from Bayern Munich, with the Frenchman given a five-year contract in Paris despite opposition from club ultras
Photo – PSG
