APM၊ ဂျူလိုင် ၁၀/ ၂၀၂၂
အစ္စလာမ်ဘာသာရီးပွဲတော်“ကုရ်ဘာနီနိ”အထိမ်းအမှတ် “ရက္ခိုင်-မူဆလင်” ချစ်ကြည်ရင်းနှီးမှု ပို၍ခိုင်မာစီလိုသည့် ရည်ရွယ်ချက်ဖြင့် ဂျူလိုင် ၉ ရက်နိတွင် ULA/AA က ထိန်းသိမ်းထားသည့် မူဆလင် ၈ ယောက်အား ပြန်လွှတ်ပီးပြီး မူဆလင်ရွာ ၂၂ ရွာအား အဝတ်အထည်များ ပီးအပ်လှူဒါန်းခကြောင်း သတင်းရဟိပါသည်။
ယင်းသို့ မွန်မြတ်သည့်ရည်ရွယ်ချက်ဖြင့် ပြန်လွှတ်ပီးလိုက်သော မူဆလင် ၈ ယောက်မှာ ဘူးသီးတောင် မြို့နယ်၊ ဘုရားပြင်အောင်ဘရွာမှမော်လဝီမာမောက်တာမီ(ဖ)ခေါ်ဘီရာမောက်၊ ခေါ်လီမူလ္လာ(ဖ) လာလာမျာ၊ အာယက် ဖိုယက်(ဖ)ရှော်ရီဟူဆောင်းနန့် ဘူးသီးတောင်မြို့နယ်၊ ဖုံညိုလိပ်(မူဆလင်)ရွာမှ ရော်ဖီး(ဖ)အဒူဆလင်၊ မာမောက်တူဆောင်း(ဖ)အာမီဟူဆောင်း၊ ဆွေယောစ်နိုရ်(ဖ)ဆွေယောစ်ကော်ဘီ၊ နိုရ်ရူဆာဒိတ်(ဖ) မာမောက် အာယာစ်နန့် ဘူးသီးတောင်မြို့နယ်၊ ရီချမ်းပြင်ရွာသစ်မှချုပ်ကူ(ဖ)အာယူမာလီ ရို့ ဖြစ်ကတ်ပါသည်။
သူရို့အားလုံးကို ဂျူလိုင် ၉ ရက်နိတွင် ရက္ခိုင်အမျိုးသားအဖွဲ့ချုပ်/ရက္ခိုင့်တပ်တော် ULA/AA ၏ ရက္ခိုင်ပြည်သူ့အာဏာ ပိုင်အဖွဲ့တာဝန်ဟိသူများက သက်ဆိုင်ရာမိသားစုများထံ အခမ်းအနားဖြင့် လွှဲပြောင်းအပ်နှံလိုက်သည်။
အခမ်းအနား၌ လွတ်ငြိမ်းချမ်းသာခွင့်ပီးခြင်းနန့်စပ်လျဉ်း၍ ရက္ခိုင်ပြည်သူ့အာဏာပိုင်အဖွဲ့၏ တာဝန်ဟိသူတဦးက “ကုရ်ဘာနီနိ အထိမ်းအမှတ်“ရက္ခိုင်-မူဆလင်”ချစ်ကြည်ရင်းနှီးမှု ပိုမိုခိုင်မာစီလိုသည့် ရည်ရွယ်ချက် ဖြင့် အကျဉ်းသားများကို လွတ်ငြိမ်းချမ်းသာခွင့်ပီးခြင်းဖြစ်ပါကြောင်း၊ ပြစ်မှုကျူးလွန်သူများကို ဖမ်းဆီးထိန်း သိမ်းရာတွင်လေ့ ခွဲခြား၍ ဖမ်းဆီးခြင်းမျိုးမဟုတ်ဘဲ အပြစ်ကျူးလွန်သူကိုရာ ဖမ်းဆီးထိန်းသိမ်းခခြင်း ဖြစ်ပါ ကြောင်းအပါအဝင် အာရက္ခနိုင်ငံတော်ထူထောင်ရာ၌လေ့ မူဆလင်များအနီနန့် အတူတကွ ပူပေါင်းပါဝင် ဆောင်ရွက်မည့် အကြောင်းများကို သက်ဆိုင်ရာမိသားစုများထံ အပ်နှံရာ၌ ထည့်သွင်းပြောကြားခကြောင်း” ဆိုသည်။
ယင်းပြင် ရက္ခိုင်ပြည်သူ့အာဏာပိုင်အဖွဲ့တာဝန်ဟိသူများက”ကုရ်ဘာနီနိ”အထိမ်းအမှတ်အဖြစ်ဘူးသီးတောင် မြို့နယ်မှ မူဆလင်ရွာပေါင်း ၂၂ ရွာမှ မူဆလင်အမျိုးသား/အမျိုးသမီးအယောက် ၄၅၀ အား အဝတ်အထည်များ ပီးအပ်လှူဒါန်းခသည်။
အလှူပွဲသို့တက်ရောက်လာသော မူဆလင်ဂေါင်းဆောင်များက ရက္ခိုင်ပြည်သူ့အာဏာပိုင်အဖွဲ့အနီဖြင့် အဂုပိုင် အစ္စလာမ်ဘာသာဝင်များ၏ရက်ကြီးရက်မြတ်ဖြစ်သောကုရ်ဘာနီနိကို အသိအမှတ်ပြု၍ အလှူပီးခြင်း၊ အကျဉ်းသားများအားလွတ်ငြိမ်းချမ်းသာခွင့်ပီးခြင်းအပေါ် ဝမ်းမြောက်ဂုဏ်ယူပြီး လှိုက်လှိုက်လှဲလှဲ ကျေးဇူးအထူးတင်ဟိပါကြောင်း တုံ့ပြန်ပြောကြားခကတ်ပါသည်။
(Zawgyi)
အစၥလာမ္ဘာသာရီးပြဲေတာ္“ကုရ္ဘာနီနိ”အထိမ္းအမွတ္အျဖစ္“ရကၡိဳင္-မူဆလင္” ခ်စ္ၾကည္ရင္းႏွီးမႈ ပို၍ခိုင္မာ စီလိုသည့္ ရည္႐ြယ္ခ်က္ျဖင့္ ULA/AA က ထိန္းသိမ္းထားေသာ မူဆလင္ ၈ ေယာက္အား ျပန္လႊတ္ပီး၊ မူဆလင္႐ြာ ၂၂ ႐ြာအား အဝတ္အထည္မ်ား ပီးအပ္လႉဒါန္း
APM၊ ဂ်ဴလိုင္ ၁၀/ ၂၀၂၂
အစၥလာမ္ဘာသာရီးပြဲေတာ္“ကုရ္ဘာနီနိ”အထိမ္းအမွတ္ “ရကၡိဳင္-မူဆလင္” ခ်စ္ၾကည္ရင္းႏွီးမႈ ပို၍ခိုင္မာစီလို သည့္ ရည္႐ြယ္ခ်က္ျဖင့္ ဂ်ဴလိုင္ ၉ ရက္နိတြင္ ULA/AA က ထိန္းသိမ္း ထားသည့္ မူဆလင္ ၈ ေယာက္အား ျပန္လႊတ္ပီးၿပီး မူဆလင္႐ြာ ၂၂ ႐ြာအား အဝတ္အထည္မ်ား ပီးအပ္လႉဒါန္းခေၾကာင္း သတင္းရဟိပါသည္။
ယင္းသို႔ မြန္ျမတ္သည့္ရည္႐ြယ္ခ်က္ျဖင့္ ျပန္လႊတ္ပီးလိုက္ေသာ မူဆလင္ ၈ ေယာက္မွာ ဘူးသီးေတာင္ ၿမိဳ႕နယ္၊ ဘုရားျပင္ေအာင္ဘ႐ြာမွေမာ္လဝီမာေမာက္တာမီ(ဖ)ေခၚဘီရာေမာက္၊ ေခၚလီမူလႅာ(ဖ) လာလာမ်ာ၊ အာယက္ ဖိုယက္(ဖ)ေရွာ္ရီဟူေဆာင္းနန႔္ ဘူးသီးေတာင္ၿမိဳ႕နယ္၊ ဖုံညိဳလိပ္(မူဆလင္)႐ြာမွ ေရာ္ဖီး(ဖ)အဒူဆလင္၊ မာေမာက္တူေဆာင္း(ဖ)အာမီဟူေဆာင္း၊ ေဆြေယာစ္ႏိုရ္(ဖ)ေဆြေယာစ္ေကာ္ဘီ၊ ႏိုရ္႐ူဆာဒိတ္(ဖ) မာေမာက္ အာယာစ္နန႔္ ဘူးသီးေတာင္ၿမိဳ႕နယ္၊ ရီခ်မ္းျပင္႐ြာသစ္မွ ခ်ဳပ္ကူ(ဖ)အာယူမာလီ ႐ို႕ ျဖစ္ကတ္ပါသည္။
သူ႐ို႕အားလုံးကို ဂ်ဴလိုင္ ၉ ရက္နိတြင္ ရကၡိဳင္အမ်ိဳးသားအဖြဲ႕ခ်ဳပ္/ရကၡိဳင့္တပ္ေတာ္ ULA/AA ၏ ရကၡိဳင္ျပည္သူ႔ အာဏာပိုင္အဖြဲ႕တာဝန္ဟိသူမ်ားက သက္ဆိုင္ရာမိသားစုမ်ားထံ အခမ္းအနားျဖင့္ လႊဲေျပာင္းအပ္ႏွံလိုက္သည္။
အခမ္းအနား၌ လြတ္ၿငိမ္းခ်မ္းသာခြင့္ပီးျခင္းနန႔္စပ္လ်ဥ္း၍ ရကၡိဳင္ျပည္သူ႔အာဏာပိုင္အဖြဲ႕၏ တာဝန္ဟိသူ တဦးက “ကုရ္ဘာနီနိ အထိမ္းအမွတ္“ရကၡိဳင္-မူဆလင္”ခ်စ္ၾကည္ရင္းႏွီးမႈ ပိုမိုခိုင္မာစီလိုသည့္ ရည္႐ြယ္ခ်က္ ျဖင့္ အက်ဥ္းသားမ်ားကို လြတ္ၿငိမ္းခ်မ္းသာခြင့္ပီးျခင္းျဖစ္ပါေၾကာင္း၊ ျပစ္မႈက်ဴးလြန္သူမ်ားကို ဖမ္းဆီးထိန္း သိမ္းရာတြင္ေလ့ ခြဲျခား၍ ဖမ္းဆီးျခင္းမ်ိဳးမဟုတ္ဘဲ အျပစ္က်ဴးလြန္သူကိုရာ ဖမ္းဆီးထိန္းသိမ္းချခင္း ျဖစ္ပါ ေၾကာင္းအပါအဝင္ အာရကၡႏိုင္ငံေတာ္ထူေထာင္ရာ၌ေလ့ မူဆလင္မ်ားအနီနန႔္ အတူတကြ ပူေပါင္းပါဝင္ ေဆာင္႐ြက္မည့္ အေၾကာင္းမ်ားကို သက္ဆိုင္ရာမိသားစုမ်ားထံ အပ္ႏွံရာ၌ ထည့္သြင္းေျပာၾကားခေၾကာင္း” ဆိုသည္။
ယင္းျပင္ ရကၡိဳင္ျပည္သူ႔အာဏာပိုင္အဖြဲ႕တာဝန္ဟိသူမ်ားက”ကုရ္ဘာနီနိ”အထိမ္းအမွတ္အျဖစ္ဘူးသီးေတာင္ ၿမိဳ႕နယ္မွ မူဆလင္႐ြာေပါင္း ၂၂ ႐ြာမွ မူဆလင္အမ်ိဳးသား/အမ်ိဳးသမီးအေယာက္ ၄၅၀ အား အဝတ္အထည္မ်ား ပီးအပ္လႉဒါန္းခသည္။
အလႉပြဲသို႔တက္ေရာက္လာေသာ မူဆလင္ေဂါင္းေဆာင္မ်ားက ရကၡိဳင္ျပည္သူ႔အာဏာပိုင္အဖြဲ႕အနီျဖင့္ အဂုပိုင္ အစၥလာမ္ဘာသာဝင္မ်ား၏ရက္ႀကီးရက္ျမတ္ျဖစ္ေသာကုရ္ဘာနီနိကို အသိအမွတ္ျပဳ၍ အလႉပီးျခင္း၊ အက်ဥ္း သားမ်ားအားလြတ္ၿငိမ္းခ်မ္းသာခြင့္ပီးျခင္းအေပၚ ဝမ္းေျမာက္ဂုဏ္ယူၿပီး လႈိက္လႈိက္လွဲလွဲ ေက်းဇူး အထူးတင္ ဟိပါေၾကာင္း တုံ႔ျပန္ေျပာၾကားခကတ္ပါသည္။
