APM ၊ မေ ၁၀ / ၂၀၂၃
မောင်တောမြို့နယ်မြောက်ပိုင်းဟိမြန်မာစစ်တပ်၏ကျီးကန်းပြင်နယ်ခြားစောင့်ရဲကွပ်ကဲမှုဌာနချုပ်ကမေ၉ရက်နိညည့်တွင်နယ်ခြားစောင့်ရဲတပ်ဖွဲ့ဝင် ၂ယောက် ထွက်ဗြီးလားကြောင်း သတင်းရဟိသည်။
ထွက်ဗြီးလားသူနှစ်ယောက်မှာရဲတပ်သား ဝင်းထွဋ်ဇော်နန့် ရဲတပ်သားဇင်မင်းဦဆိုသူရဲတပ်ဖွဲ့ဝင်နှစ်ယောက်ဖြစ်ပြီး၎င်းရို့နှစ် ယောက် မေ ၉ ရက်နိ ညည့် ၁၂ နာရီ ခန့်က ထွက်ဗြီးလားခခြင်းဖြစ်သည်ဟု သိရသည်။
ယင်း တပ်ဖွဲ့ဝင်နှစ်ယောက် ထွက်ဗြီးလာပြီးနောက်ပိုင်း မြန်မာစစ်တပ်မှ မောင် တော-အငူမော်ကားလမ်း၊ မောင်တော–ဘူး သီးတောင်ကားလမ်း အ ပါအဝင် အနီးအနားပတ်ဝန်းကျင်ဟိကျေးရွာများကြား အင်အားအများအပြားဖြင့်လိုက် လံရှာဖွီ လျက်ဟိပြီး လက်ဟိအချိန်ထိရှာမတွိသိမ့်ဟုဆိုသည်။
ကုန်ခသည့် မာ့ချ် ၆ ရက်နိကလေ့ ယင်းကျီးကန်းပြင်ဌာနချုပ်လက်အောက်ခံ နခခ(၆) နယ်ခြားစောင့်တပ်မှ တပ်ဖွဲ့ဝင် ၄ ယောက်လက်နက်အပြည့်အစုံဖြင့် ထွက်ဗြီးလားခသိမ့်သည်။
ကျီးကန်းပြင်ဌာနချုပ်သည် မြန်မာစစ်တပ်၏အခိုင်အမာ တပ်စခန်းတခုဖြစ်ပြီး တပ်ဖွဲ့ဝင်အင်အား ၅၀၀ ကျော်ဟိကြောင်း သိဟိရသည်။
