APM၊ ဧပြီ ၁၀/၂၀၂၄
ဒေနိ ဧပြီ ၁၀ ရက်နိ၊ မိုးထပိုင်းမာ ဖက်ဆစ်အကြမ်းဖက် စစ်ကောင်စီ၏ တိုက်ခိုက်ရီးသင်္ဘောက ပစ်ခတ်လိုက်တေ လက်နက်ကြီးကျည်ထိမှန်ပြီးကေ ရမ်းဗြဲမြို့နယ်၊ ရွာသာယာရွာက အမျိုးသမီးတယောက် သီဆုံးလားကြောင်း သိရပါရေ။
သီဆုံးလားသူကတော့ ရမ်းဗြဲမြို့နယ်၊ ရွာသာယာရွာနီ အဖ ဦးင/ချီးအောင်၏သမီး ဒေါ်အေးသန်းမြင့်(၄၅နှစ်) ဖြစ်ပါရေ။
ဧပြီ ၁၀ ရက်နိ၊ ၊ မိုးထ ၈ နာရီ ၄၀ မိနစ် အချိန်လောက်မာ ရမ်းဗြဲ-မာန်အောင် ရီလက်ကြားဟိ ဖက်ဆစ်အကြမ်းဖက် စစ်ကောင်စီ၏တိုက်ခိုက်ရီးသင်္ဘောက ပစ်ခတ်လိုက်တေ လက်နက်ကြီးကျည်စွာ ရွာသာယာရွာမာ ကျရောက်ပေါက်ကွဲပြီးကေ ဒေါ်အေးသန်းမြင့်၏ဝမ်းကို ကျည်စတိ ဝင်လားပနာ ဒဏ်ရာ ၃ ချက်ရလားရာက သွီးထွက်လွန် သီဆုံးလားစွာဖြစ်ပါရေ။
Please follow and like us:
