APM ၊ ဧပြီ ၁၀ / ၂၀၂၃
ဧပြီ ၉ ရက်နိက ကဇတ်ခသည့် မာစတာဂရင်းစလင်း ဂေါ့ဖ် ပြိုင်ပွဲတွင် စပိန် ဂေါ့ဖ်သမား ဂျွန်ရမ်းသည် သတ်မှတ် ရိုက်ချက်ထက် ၁၂ ချက်လျှော့ရိုက်ကာ စုစုပေါင်း ၂၇၆ ချက်ဖြင့် ချန်ပီယံဆုကို ရဟိလားကြောင်း သိရသည်။
မာစတာဂရင်းစလင်း ဂေါ့ဖ် ပြိုင်ပွဲတွင် ဂျွန်ရမ်းသည် LIV ဂေါက်သီးသမား ကိုပီကာ နန့် မိုက်ကယ်ဆွမ် ရို့ကို ကျော်တက် ကာ ၄ ချက်အကွာဖြင့် အနိုင်ရဟိခခြင်းဖြစ်သည်။
“ကျနော်ရို့ ကဇတ်သမားတိ အားလုံးက ဒေပိုင်အောင်မြင်မှုမျိုးရဖို့အတွက် အိမ်မက် ကိုယ်စီဟိကတ်ပါရေ။ ကျနော့် အနီနန့်လေ့ ဒေဂုပိုင်မျိုး ချန်ပီယံဆုရလို့ ဝမ်းသာမိရေပိုင် ကိုယ့်ကိုတောင် မယုံနိုင်ဖြစ်မိပါရေ” ဟု ဂျွန်ရမ်းကဆိုသည်။ ဂျွန်ရမ်းသည် မာစတာချန်ပီယံဆုကို ရဟိခသည့် စပိန်၏ ၁၀ ယောက်မြောက် ဂေါ့ဖ် ကဇတ်သမားလေ့ ဖြစ်သည်။
အဆိုပါ နိုင်ပွဲသည် ဂျွန်ရမ်းအတွက် စတုတ္ထအကြိမ်မြောက် နိုင်ပွဲဖြစ်ပြီး၊ ဒေဂုရဟိသည့် မာစတာချန်ပီယံဆုမှာ လေ့ ၂၀၂၁ ခုနှစ်တွင် US Open ချန်ပီယံဆု ရဟိခပြီးနောက် သူ၏ ဒုတိယမြောက် အဓိကချန်ပီယံဆုဖြစ်သည်။
Source – Masters Live Updates | Rahm wins first Masters championship
Photo – CNN
