APM ၊ ဧပြီ ၁၀ / ၂၀၂၃
ဧပြီ ၉ ရက်နိညည့် အန်ဖီလ်ကွင်း၌ လီဗာပူးကိုသရေကျခသည့်ပွဲတွင် အသင်းကဇတ်သမားများအနီနန့် ပွဲချိန်ပထမ ပိုင်းမှ ခြီစွမ်းကိုအားကိုးပြီး ရင်ဆိုင်ကဇတ်သင့်ခကြောင်း အာဆင်နယ်နည်းပြအာတီတာက ပြောကြားလိုက်သည်။
“ကျနော်ရို့အသင်းအနီနန့် ပထမမိနစ် ၃၀ မှာ ကဇတ်ခရေ ခြီစွမ်းနန့်ဆက်ကဇတ်သင့်ခပါရေ။ သင်ခန်းစာယူ ရဖို့စွာက ဒုတိယပိုင်းမှာ ခံနိုင်ရည်မဟိခစွာပါ။ ပွဲကိုထိမ်းချုပ်နိုင်ခကေလေ့ မပီးသင့်ရေ ဂိုး ခွင့်ပြုပီးလိုက်ရလို့ ပွဲကချက်ချင်း ပြောင်းလဲလားခပါရေ” ဟု အာတီတာ ဆိုသည်။
အဆိုပါပွဲစဥ်တွင် အာဆင်နယ်သည် တိုက်စစ်မှူး ဂျေဇူးနန့် မာတီနယ်လီရို့၏ သွင်းဂိုးများဖြင့် ပထမပိုင်းကပင် ဦးဆောင်နိုင် ခကေလေ့ လီဗာပူးတိုက်စစ်မှူးဆာလာက ချေပဂီုး ၁ ဂိုးသွင်းယူခပြီး၊ ၈၇ မိနစ်တွင်လူစားဝင်လာသည့် တိုက်စစ်မှူး ဖာမီနို ကနောက်ထပ် ၁ ဂိုးသွင်းယူခကာ ၂ ဂိုးစီသရေကျခသည်။
တဆက်တည်းမှာ အာတီတာက “ လီဗာပူးက ဒေပွဲမှာ ၃ ဂိုး ၄ ဂိုးလောက်ရနိုင်ခပါရေ။ လီဗာပူးစွာ ဒေရာသီ အိမ်ကွင်းမှာ အသင်းကြီးတိုင်းကိုအတိုင်ယူထားစွာတွိရရေ။ ကျနော်ရို့အနီနန့် သရေ ၁ မှတ်ရနိုင်ဖို့ မလွယ်ကူခပါ” ဟု လီဗာပူးကို ချီးမွမ်း ပြောဆိုခသိမ့်သည်။
အာဆင်နယ်အသင်းသည် လက်ဟိ ပရီးမီးယားလိဂ်ပွဲစဉ် ၃၀ ကဇတ်ပြီး၌ ရမှတ် ၇၃ မှတ်ဖြင့် ထိပ်ဆုံးမှ ဦးဆောင်ထားကာ ဒုတိယနီရာမှ မန်စီးတီးကို တပွဲပိုကဇတ်၍ ၆ မှတ်ဖြတ်ထားသည်။
Source – Arteta told the players that they should face
Photo – Arsenal.com
