APM ၊ ဧပြီ ၁၀ / ၂၀၂၃
အမေရိကန်ဂေါ့ဖ်သမား တိုက်ဂါးဝုဒ်သည် ညာဖက်ခြီထောက်ဒဏ်ရာ ဆိုးရွားလာ၍ လက်ဟိကဇတ်လျက်ဟိသည့် မာစတာပြိုင်ပွဲမှ ဧပြီ ၉ ရက်နိတွင် နှုတ်ထွက်လိုက်ကြောင်း သိရသည်။
၎င်းသည် ၂၀၂၁ ခုနှစ် ဖေဖော်ဝါရီလကပင် ယာဉ်တိုက်မှုဖြစ်ပွားခပြီး ကာလရှည်ကြာ အနားယူနီရာမှ မနှစ်ကစ၍ မာစတာပြိုင်ပွဲမှာ ပြန်ပါလာခသည်။
ကုန်ခသည့်ဧပြီ ၆ ရက်နိမှာ စတင်ကျင်းပသည့် မာစတာပြိုင်ပွဲ၌ တိုက်ဂါးဝုဒ်သည် ဒုတိယနိပွဲစဉ်အထိ ဝင်ရောက် ယှဉ်ပြိုင်ခသိမ့်သည်။
သို့သော်ရာသီဥတုကအလွန်ဆိုးရွားလာပြီးညာခြီထောက်ဒဏ်ရာလေ့ ပြန်ထလာသောကြောင့် ဧပြီ ၉ ရက်နိမှာ တိုက်ဂါးဝုဒ် မာစတာပြိုင်ပွဲမှ နှုတ်ထွက်လိုက်ရသည်။
အသက် ၄၇ နှစ်အရွယ် တိုက်ဂါးဝုဒ်သည် ကဇတ်သမားဘဝ၌ အဓိကဆုဖလား ၁၅ ခု ရဟိခပြီး၊ အဓိက ဆုဖလားကို တော့၂၀၁၉ခုနှစ်မှာ နောက်ဆုံးအကြိမ် ရဟိခကြောင်း သိရသည်။
Source – Tiger Woods withdraws from Masters due to injury
Photo – Reuters
