APM ၊ မာ့ချ် ၁၀/၂၀၂၄
မာ့ချ် ၁၀ ရက်နိ မိုးထစောစော ၅ နာရီအချိန်လောက်မာ တောင်ကုတ်မြို့နယ်၊ခူးတိုက်နယ်က အရပ်သားပြည်သူ တယောက်ကို အကြမ်းဖက် စစ်ကောင်စီတပ်ဖွဲ့ဝင်တိက မတရား ဖမ်းဆီးခေါ်ဆောင်လားကြောင်း သိရပါရေ။
အဖမ်းခံရလူစွာ တောင်ကုတ်မြို့၊ ခူးတိုက်နယ်၊ ချောင်းသုံးခွရွာက ဦးမြင့်ဦး(၅၈ နှစ်)ဖြစ်ပါရေ။
မာ့ချ် ၁၀ ရက်နိ မိုးထစောစော ၅ နာရီလောက်မာ ခူးတိုက်နယ်အတွင်းကင်းလှည့်နီရေ စစ်ကောင်စီ တပ်ဖွဲ့ဝင် ၄၀ ကျော်စွာ တောင်ကုတ်-သံတွဲ နယ်ခြား မှတ်တိုင်အလွန် သံတွဲဖက်အခြမ်းမာ လယ်လုပ်နီရေ ဦးမြင့်ဦး၏ လယ်တဲသို့ ရောက်ဟိလာပြီးကေ အကြောင်းပြချက်တစုံတရာမှမဟိဘဲ ဦးမြင့်ဦးကို လက်ထိပ်ခတ်ပနာ မတရား ဖမ်းဆီးခေါ် ဆောင်လားခရေလို့ ဒေသခံရို့က ဆိုပါရေ။
လက်ဟိအချိန်ထိ ဦးမြင့်ဦးကို ပြန်လွှတ်ပီးခြင်းမဟိသိမ့်ဘဲ ဆက်လက် ဖမ်းဆီးထိန်းသိမ်းထားကြောင်း သိဟိရပါရေ။
Please follow and like us:
