APM၊ နိုဗမ်ဘာ ၁၀/ ၂၀၂၃
ညီနောင်မဟာမိတ် (၃)ဖွဲ့၏ သတင်းနန့်ပြန်ကြားရီး တရားဝင်ဖေ့စ်ဘုတ်စာမျက်နှာဖြစ်တေ (Operation 1027- 3BHA)စွာ ရန်သူ၏ ထိုးနှက်တိုက်ခိုက်ခြင်းကိုခံရပြီး တချိန်တည်းမာ အလားတူ Page အတုတိ ပေါ်ပေါက်လာနီကြောင်း ညီနောင်မဟာမိတ်(၃)ဖွဲ့က နိုဗမ်ဘာ ၉ ရက်နိ ညည့် ၁၂ နာရီလောက်မာ ထုတ်ပြန်လာပါရေ။
ထုတ်ပြန်ချက်မာ မိမိရို့လက်ဟိအသုံး ပြုနီရေ ညီနောင်မဟာမိတ် (၃) ဖွဲ၏ တရားဝင် သတင်းနန့် ပြန်ကြားရီး ဖေ့စ်ဘုတ် စာမျက်နှာ ( Operation 1027- 3BHA) https://www.facebook.com/Operation1027 စွာရန်သူ ၏ ထိုးနှက် တိုက်ခိုက်မှုကြောင့် ဖေ့စ်ဘုတ်ကတဆင့် တိုက်ပွဲသတင်းထုတ်ပြန်ခြင်းကို ဆက်လက်ထုတ်ပြန်နိုင် ခြင်းမဟိတော့ဘဲ ယာယီကန့်သတ်ခံထားရပါရေ။ တချိန်တည်းမာမိမိရို့၏ဖေ့ဘုတ်စာမျက်နှာနန့်အလားတူနာမည် Operation 1027 (Northern Alliance) https://www.facebook.com/PDFMyanmarArt နန့် အသုံးပြုနီရေ ပေ့ချ်အတုတချို့လည်း အချိန်ကိုက်ထွက်ပေါ်လာနီရေ” လို့ဖော်ပြထားပါရေ။
ယေဇူးနန့် “မိမိရို့ညီနောင်မဟာမိတ် (၃) ဖွဲအနီနန့် တော်လှန်ရီးအဖွဲအစည်းတိ၊ ပြည်သူလူထုတိနန့် သတင်းမီဒီယာတိသို့ အသိပီးလိုစွာက လက်ဟိ Operation 1027 စစ်ဆင်ရီး ၁၀၂၇ နန့်ပတ်သက်လို့ တိုက်ပွဲ သတင်းတိကို မိမိရို့၏ တရား ဝင် လူမှုကွန်ရက်စာမျက်နှာတိဖြစ်တေ–
Telegram Channel: https://t.me/threebrotherhoodalliance
Twitter: https://twitter.com/operation1027
VK Page: https://vk.com/mndaa_tnla_aa
ရို့ကရာ တင်ဆက်ထုတ်လွှင့်ပီးနီပြီး တခြား မည်သည့် လူမှုကွန်ရက်တိကမှ ထုတ်ပြန်ခြင်းမဟိကြောင်း လေးစားစွာနန့် အသိပီးထုတ်ပြန်အပ်ပါရေ” လို့ ညီနောင်မဟာမိတ် (၃)ဖွဲ့၏ ထုတ်ပြန်ချက်မာ ဖော်ပြထားပါရေ။
