APM ၊ အောက်တိုဘာ ၁၀ / ၂၀၂၃
ကချင်လွတ်လပ်ရီးတပ်မတော် (KIA) ဌာနချုပ်တည်ရာ လိုင်ဇာမြို့ကို ဒေနိ(အောက်တိုဘာ ၁၀ ရက်နိ)အစောပိုင်း မြန်မာစစ်တပ်က ဗုံးကြဲတိုက်ခိုက်၊ လက်နက်ကြီးနန့်ပစ်ခတ်မှုကြောင့် လူ ၃၀ နီပါးသီဆုံးလားပြီးကေ အများအပြား ဒဏ်ရာရလားရေလို့ ကချင်မီဒီယာတိက ဖော်ပြပါရေ။
ကချင်မီဒီယာတိဖော်ပြချက်အရ ဒေနိမိုးထ ၁ နာရီ ဝန်းကျင်မာ လိုင်ဇာမြို့ကို မြန်မာစစ်တပ်က ဗုန်းကြဲတိုက်ခိုက်၊ လက်နက်ကြီးနန့်ပစ်ခတ်လို့ လိုင်ဇာမြို့၊ မုန်လိုင်ခတ်ဟိ စစ်ဖီးယှောင်စခန်းကို ကျရောက်ပေါက်ကွဲခပြီးကေ စစ်ဖီးယှောင် ၃၀ နီးပါး သီဆုံးပနာ အရပ်သားပြည်သူ အများအပြား ဒဏ်ရာရလားရေလို့ ဆိုပါရေ။
သီဆုံးလားရေလူတိထဲမာ အချေတိနန့် အမျိုးသမီးတိ အများဆုံးပါဝင်ရေလို့ ဒေသခံတိကပြောပါရေ။ သီဆုံးလူတိအရေ အတွက် ထပ်တိုးလာနိုင်ရေလို့လည်း ဆိုကတ်ပါရေ။
အသေးစိတ်အချက်အလက်တိကို APM က ဆက်လက်စုံစမ်းလျက်ဟိပါရေ။
Photo – Kachin Land
