APM၊ ဂျန်နဝါရီ ၁၀ /၂၀၂၄
ဂျန်နဝါရီ ၁၀ ရက်နိ၊ မိုးထစောစော ၄ နာရီခွဲလောက်စပနာ ကျောက်တော်မြို့နယ်၊အပေါက်ဝရွာကို စစ်ကောင်စီတပ်က လက်နက်ကြီးနန့် ပစ်ခတ်နီလို့ ရွာသားနှစ်ယောက် သီဆုံးလားကြောင်း သိရပါရေ။
သီဆုံးလားရေလူစွာ အပေါက်ဝရွာ၊ ပေါ်တော်မူရပ်ကွက်က ဦးအဒက်ချေ(၃၅ နှစ်)နန့် ဦးအထွန်းချေ(၆၅ နှစ်)ဖြစ်ပါရေ။
ဂျန်နဝါရီ ၁၀ ရက်နိ၊ မိုးထ ၄ နာရီခွဲလောက်ကစလို့ ကန်စောက်အခြီစိုက် စစ်ကောင်စီအမြောက်တပ် အမတ(၃၇၇)တပ်ရင်းကနီ အပေါက်ဝရွာကိုဦးတည်ပြီးကေ လက်နက်ကြီးတိနန့် အကြမ်းဖက် ယမ်းကား ပစ်ခတ်နီပါရေ။
ယင်းအထဲက လက်နက်ကြီးကျည်တလုံးစွာ ဦးအဒက်ချေ၏ အိမ်ထဲသို့ ကျရောက်ပေါက်ကွဲခလို့ ဦးအဒက်ချေ၏ ဘေးစကို လက်နက်ကြီးကျည်စဖောက်ဝင်လားပနာ နီရာမာပင် ဂွင်ချင်း သီဆုံးလားခပါရေ။
အလားတူ အပါးဟပ်စပ်က ဦးအထွန်းချေမာလည်း ခန္ဓာကိုယ်အနှံ့ လက်နက်ကြီးကျည်စထိမှန်လို့ ဒဏ်ရာပြင်းပြင်း ထန်ထန်ရလားပနာ ဆီးရုံသို့ ပို့ဆောင်ဆီးကုသနီချိန် သီဆုံးလားပါရေ။
လက်ဟိအချိန်ထိလည်း ယင်း အမတ (၃၇၇) တပ်ရင်းကနီ အပေါက်ဝရွာကို လက်နက်ကြီးတိနန့် တရပ်စပ် ပစ်ခတ်တိုက်ခိုက်လို့ဟိနီပြီးကေ ရွာနားပတ်ဝန်းကျင်မာ ကျရောက်ပေါက်ကွဲနီပနာ တခြားထိခိုက် ဒဏ်ရာရ ထားရေလူတိလည်းဟိနီသိမ့်ကြောင်း သိဟိရပါရေ။
