APM ၊ ဂျန်နဝါရီ ၁၀ / ၂၀၂၄
မင်းပြားမာ ဂျန်နဝါရီ ၁၀ ရက်နိ၊ မိုးထပိုင်းက စစ်ကောင်စီတပ် လက်နက်ကြီးနန့်ပစ်လို့ မြို့ခံတယောက် ဒဏ်ရာရလားခကြောင်း သိရပါရေ။
ဒဏ်ရာရလားရေလူစွာ မင်းပြားမြို့၊ ပြည်တော်လှရပ်ကွက်က ဦးမောင်ကျော်ထွန်း(၅၈ နှစ်) ဖြစ်ပါရေ။
ဂျန်နဝါရီ ၁၀ ရက်နိ၊ မိုးထ ၇ နာရီကျော်အချိန် ကျိန်းတောင်ထက်မာ တပ်စွဲထားရေ စစ်ကောင်စီတပ်က ပစ်ခတ်လိုက်တေ လက်နက်ကြီးကျည်တလုံးစွာ ပြည်တော်လှရပ်ကွက်ဟိ ဦးမောင်ကျော်ထွန်းအိမ်နားမာ ကျရောက်ပေါက်ကွဲခကြောင်း မြို့ခံတိက ပြောပါရေ။
ယင်းပေါက်ကွဲမှုကြောင့် ဦးမောင်ကျော်ထွန်းမာ လက်နက်ကြီးအစထိမှန်လို့ ညာဖက်ဘေးစပွင့်ထွက်လားပနာ ခန္ဓာကိုယ်အနှံ့မာလည်း ဒဏ်ရာတိရဟိလားခရေလို့ ဆိုပါရေ။
လက်ဟိ ဦးမောင်ကျော်ထွန်းစွာ အရေးပေါ် ဆီးကုသမှုခံယူလို့ဟိပါရေ။
လက်ဟိအချိန်ထိလည်း မင်းပြားမြို့ထဲကို စစ်ကောင်စီတပ်က ဂျက်တိုက်လီယာဉ်၊ MI – 35 ရဟတ်ယာဉ် အပြင် လက်နက်ကြီး၊ လက်နက်ချေတိနန့်ပါ အဆက်မပြတ် တရစပ် ယမ်းကားပစ်ခတ်လို့ ဟိနီပါရေ။
