APM ၊ ဂျန်နဝါရီ ၁၀ / ၂၀၂၃
မြန်မာ့အရေး အာဆီယံမှချမှတ်ထားသည့် ဘုံသဘောတူညီချက် ၅ ရပ်ကို မြန်မာစစ်တပ်အနီနန့် အယင်ဆုံး အကောင်အထည်ဖော်ရန် အင်ဒိုနီးသျှားသမ္မတ နန့် မလေးသျှားဝန်ကြီးချုပ်ရို့ ဂျန်နဝါရီ ၉ရက်နိက တိုက်တွန်း လိုက်သည်။
အင်ဒိုနီးသျှားသမ္မတ ဂျိုကိုဝီဒိုဒို နန့် မလေးသျှားဝန်ကြီးချုပ် အဏ္ဏဝါအီဘရာဟင်ရို့ ဂျန်နဝါရီ ၉ရက်နိက အင်ဒိုနီး သျှားနိုင်ငံ၊ ဘိုဂေါမြို့တွင် တွိဆုံဆွေးနွေးခပြီးနောက် ယင်းသို့ ပူးတွဲ တိုက်တွန်းလိုက်ခြင်း ဖြစ်သည်။
တွိဆုံမှုအပြီးတွင် အင်ဒိုနီးသျှားသမ္မတ ဂျိုကိုဝီဒိုဒိုက “မြန်မာအရေးနန့် ပတ်သက်ပြီး ဘုံသဘောတူညီချက် ၅ ရပ် ကို အကောင်အထည်ဖော်ဖို့ သဘောတူခကတ်ပါရေ။ ယင်းသဘောတူညီချက် ၅ ရပ်ကိုအကောင်အထည်ဖော်ဖို့ မြန်မာစစ်အစိုးရကို တိုက်တွန်းပါရေ” ဟု ပြောဆိုခသည်။
အလားတူ အင်ဒို-ပစိဖိတ်ဒေသကို ငြိမ်းချမ်းသာယာပြီး တည်ငြိမ်အီးချမ်းစီရန်အတွက် အာဆီယံအနီနန့် အဓိက အခန်းကဏ္ဍကနီ ဆက်လက်ပါဝင်ဆောင်ရွက်ဖို့ သဘောတူညီခကတ်သည်ဟု ဆိုသည်။
တွိဆုံဆွေးနွေးမှုအတွင်း နှစ်နိုင်ငံအကြား ကုန်သွယ်ရီးဆိုင်ရာ နားလည်မှုစာချွန်လွှာ သျှစ်ခုကို လက်မှတ်ရွီးထိုးခ ကတ်ပြီး၊ ဘိုနီယိုကျွန်းတွင် အင်ဒိုနီးသျှားမှ စီမံကိန်းချမှတ်ထားသည့်မြိုတော်သစ် နူဆန်တာရာ တည်ဆောက် ရီးနန့်ပတ်သက်၍လေ့ သဘောတူ ဆွေးနွေးခကတ်သည်ဟု သိဟိရသည်။
Source – Indonesia, Malaysia agree to strengthen Asean, urge Myanmar to implement peace plans
Photo – Reuters
