APM ၊ ဂျူလိုင် ၁ /၂၀၂၃
စစ်တွေတက္ကသိုလ် နားတွင် ဒေနိ(ဂျူလိုင် ၁ ရက်နိ) နိခင်းပိုင်းက ပစ်ခတ်မှုတခုဖြစ်ပွားခပြီး လူ ၃ ယောက်သီဆုံးကာ ၃ ယောက် ဒဏ်ရာ ရလားကြောင်းသိရပါသည်။
ဖြစ်စဉ်မှာ ဒေနိနိခင်း ၁၂ နာရီခွဲလောက်က စစ်တွေ တက္ကသိုလ်နား ကားလမ်းထက်၌ မောင်းနှင်လာသည့် အနက်ရောင် အိမ်စီးကားတစီးကို အရပ်ဝတ်နန့် သီနတ်ကိုင်ဆောင်ထားသူများကပစ်ခတ်ခခြင်းဖြစ်ကြောင်း သိရသည်။
ယင်းပစ်ခတ်မှုကြောင့် ကားမှာပါလာသူ ၃ ယောက် ပွဲချင်းပြီး သီဆုံးလားပြီး ၃ ယောက် ဒဏ်ရာရလားကာ ယင်းအထဲမှ တယောက် မှာ ဒဏ်ရာပြင်းထန်သည်။
လက်ဟိတွင် အဆိုပါသီဆုံးသူများနန့် ဒဏ်ရာရသူများကို စစ်တွေဆီးရုံကြီးသို့ ပို့ဆောင်ထားကြောင်းသိရသည်။
ယင်း ပစ်ခတ်မှုဖြစ်ပွားခသည့် စစ်တွေတက္ကသိုလ်နားတွင်တော့ မြန်မာစစ်တပ်မှနီရာယူထားပြီး စစ်တွတပ်ထိန်းဂိတ်နန့် ကျောက်တန်းစစ်ဆီးရီးဂိတ်ရို့တွင်လေ့ ခရီးသည်များကို တင်းတင်းကြပ်ကြပ် စစ်ဆီးလျက်ဟိကြောင်း သိရသည်။
