APM ၊ မေ ၁ / ၂၀၂၃
မက္ကဆီကိုနိုင်ငံ အနောက်ပိုင်း ချောက်တခုထဲသို့ ဘတ်စ် ကားတစီး ပြုတ်ကျမှုကြောင့် အနည်းဆုံး လူ ၁၈ ယောက် သီဆုံးပြီး ၃၃ ယောက် ဒဏ်ရာရဟိလားကြောင်း ဒေသဆိုင်ရာအာဏာပိုင်များက တလင်းဂနီနိတွင် ပြောကြားခသည်။
ဘတ်စ်ကားသည် Nayarit ပြည်နယ်မြို့တော် Tepic နန့် Puerto Vallarta ကို ဆက်ထားသည့် အဝီးဗြီးလမ်းမ ကြီးတွင် စနီနိညဇာပိုင်းက ၁၅ မီတာအနက်ဟိချောက်တခုထဲသို့ပြုတ်ကျခသည်ဟုပြည်နယ်အစိုးရရှိနီရုံးက ဆိုသည်။
“ချက်ချင်းဆိုပိုင် သီဆုံးလားခရေလူတိနန့်ပတ်သက်လို့ပြည်ထောင်စုရော ပြည်နယ်အာဏာပိုင်တိနန့်ပါ ကျနော်ရို့ ညှိနှိုင်းဆောင်ရွက်ခပါရေ”ဟု အစိုးရရှိနီရုံးက တွစ်တာမှာ ကြေညာခသည်။
ယင်းနောက် အမျိုးသမီး ၁၁ ယောက်နန့် အမျိုးသား ၇ ယောက်သီဆုံးလားခသည်ဟုအာဏာပိုင်များက အတည် ပြုပြောဆိုသည်။
ယင်းအပြင် ဒဏ်ရာရများအနက် အရွယ်မရောက်သိမ့်သူ ၁၁ ယောက်ကိုတော့ ဆီးကုသရန် ဆီးရုံများသို့ လွှဲပြောင်း ပီးခသည်ဟုလေ့ ဆိုသည်။
Source – Mexico bus plunges off cliff, at least 18 die
Photo – Reuters
