APM ၊ မာ့ချ် ၁ / ၂၀၂၃
အက်ဖ်အေဖလား ပဉ္စမပွဲစဉ်အဖြစ် ဒေနိ(မာ့ချ် ၁ ရက်နိ) ညည့်ကဇတ်မည့် ဝက်ဇ်ဟမ်းအသင်းနန့် ပွဲတွင် မန်ယူအသင်းနောက်ခံလူ လုခ်ရှော နန့် ကွင်းလယ်လူ ဖရက်ဒ်ရို ပါဝင်ရန် မသေချာကြောင်း မန်ယူနည်းပြ တန်ဟက်ဂ်က အတည်ပြု ပြောကြားလိုက်သည်။
ကဇတ်သမား နှစ်ယောက်လုံးမှာ ဖေဖော်ဝါရီ ၂၆ နိက နယူးကာဆယ်အသင်းနန့် ကဇတ်ခသည့် ကာရာဘောင်းဖလားဖိုင်နယ်ပွဲစဉ်တွင် ပါဝင်ကဇတ်နိုင်ခကေလေ့ ဒဏ်ရာရဟိထားသည့်အတွက် ဝက်ဇ်ဟမ်းနန့် ပွဲမှာ ပါဝင်ရန် မသေချာဖြစ်နီသည်။
“လုခ်ရှော နန့် ဖရက်ဒ်က ဒေနိညည့်ကဇတ်ဖို ဝက်ဇ်ဟမ်းနန့် ပွဲမှာ ပါဝင်ဖို မသေချာပါ။ ယေကေလေ့ ကျနော်ရိုစွာ ကဇတ်သမား ၁၁ ယောက်တည်းနန့် အနိုင်ရခစွာမဟုတ်ပါ။ အသင်းသားတိအားလုံးနန့် အောင်ပွဲကိုဖော်ဆောင် ခစွာပါ။” ဟု တန် ဟက်ဂ် ကဆိုသည်။
ယင်းအပြင် မန်ယူအသင်းသားများအနီနန့် သူရို့ကဇတ်ရသည့် ပွဲတိုင်းတွင် တာဝန်ယူမှု အပြည့်ဟိကြောင့်လေ့ တန်ဟက်ဂ် ပြော ကြားခသိမ့်သည်။
မန်ယူအသင်းသည် အက်ဖ်အေဖလား ပဉ္စမပွဲစဉ်အဖြစ် ဒေနိညည့် ၂ နာရီ ၁၅ မိနစ်အချိန်တွင် ဝက်ဇ်ဟမ်း အသင်းနန့် ယှဉ်ပြိုင်ကဇတ်ရမည်ဖြစ်သည်။
Source – Erik ten Hag confirms Luke Shaw and in-form midfielder Fred are doubts for Man United’s FA Cup clash with West Ham… as Red Devils boss heaps praise on role of his squad players in Carabao Cup win
Photo – Ace Footbal
