APM ၊ အောက်တိုဘာ ၁/၂၀၂၂
စပ်တမ်ဘာ ၂၉ ၊ ၃၀ ရက်နိများမှာလေ့ တောင်ကုတ်မှ အပြစ်မဲ့အရပ်သားပြည်သူ နောက်ထပ် ၄ ယောက်ကို စစ်ကောင်စီတပ် ထပ် ဖမ်းလားခကြောင်း သတင်းရဟိသည်။
စပ်တမ်ဘာ ၂၉ ရက်နိက တောင်ကုတ်မှ အဖမ်းခံရသူ ၂ ယောက်မှာ တောင်ကုတ်မြို့နယ်၊ မိုးထိတိုက်နယ်၊ မှန်နီကျေးရွာမှ ဦးဇော်ဌေး(၃၀နှစ်) နန့် ဦးထွန်းမင်းဦး (ခ) စိုးအောင် (၂၉နှစ်) ရို့ဖြစ်ကတ်ပြီး၊ စပ်တမ်ဘာ ၂၉ ရက်နိ ညဇာ ၅နာရီခွဲ ခန့်တွင် တောင်ကုတ်မြို့မတိုက်နယ်ဟိ စစ်ကောင်စီတပ်၏ ဘုရားကိုးဆူ စစ်ဆီးရီးဂိတ်၌ စစ်ကောင်စီတပ်ဖွဲ့ဝင်များက သူရို့၂ ယောက်ကို ဖမ်းဆီးခေါ်ဆောင်လားခခြင်းဖြစ်သည်။
စပ်တမ်ဘာ ၃၀ ရက်နိက တောင်ကုတ်မှ အဖမ်းခံရသူ ၂ ယောက်မှာ တောင်ကုတ်မြို့၊ ဂူတာရပ်ကွက်မှ ဦးအောင်မြသိန်း(၃၀နှစ်) နန့် ဦးအောင်ချေေ(၃၃ နှစ်)ရို့ဖြစ်ကတ်ပြီး သူရို့နှစ်ယောက်ကို စပ်တမ်ဘာ ၃၀ ရက်နိ နိခင်း ၁ နာရီခန့်တွင် တောင်ကုတ်အခြီစိုက် စစ်ကောင်စီတပ် ခမရ (၅၄၄) တပ် ရင်းမှ တပ်ဖွဲ့ဝင်များနန့် ရဲတပ်ဖွဲ့ဝင်ပူးပေါင်း အင်အား(၃၀) ယောက်ခန့်က နီအိမ်အတွင်းသို့ ဝင်ရောက် ဖမ်းဆီးခေါ်ဆောင်လား ခြင်းဖြစ် သည်။
ကုန်ခသည့် စပ်တမ်ဘာ ၂၃ ရက်နိကလေ့ တောင်ကုတ်မြို့နယ်၊ ညောင်ဖောက်ရွာမှ ဦးအေးကျော်ကျော်နန့် သက်ကေပြင်ရွာမှ ဦးကျော်ကျော်နိုင်ရို့ကို စစ်ကောင်စီတပ်ဖွဲ့ဝင်များက နီအိမ်အတွင်းသို့ ဝင်ရောက် ဖမ်းဆီးခေါ်ဆောင်လားခသိမ့်သည်။
ယင်းအပြင် စပ်တမ်ဘာ ၂၁ ရက်နိက ချောင်းကောက်ရပ်ကွပ်မှ ကိုမျိုးမြင့်၊ စပ်တမ်ဘာ ၁၉ ရက်နိ၌ ကိုင်းရှည်ရပ်ကွက်မှ ကိုင်းရှည်လူမှုကူညီရီးအသင်း၏ ဥက္ကဋ္ဌနန့် ဒုဥက္ကဋ္ဌဖြစ်သူ ဦးမြင့်လှိုင်နန့် ဦးဇော်မျိုးထွန်း ရို့ကိုလေ့ အသီးသီး ထပ်မံဖမ်းဆီး ခသည်။
စပ်တမ်ဘာ ၁၈ ရက်နိကလေ့ ချောင်းကောက်ရပ်ကွက်မှ ဦးထွန်းချစ်၊ ဂူတာရပ်ကွက်မှ ကိုဦး နန့် ကိုစိုးဝင်းချေ၊ ကင်းတောင်ရွာမှ ကိုမိုးဟိန်းအောင် ရို့ကို စစ်ကောင်စီတပ်မှ မတရားဖမ်းဆီးရိုက်နှက်ခေါ်ဆောင်လားခသည့်အပြင်၊စပ်တမ်ဘာ ၁၇ ရက်နိကလေ့ တောင်ကုတ်အခြီစိုက် စစ်ကောင်စီတပ် ခမရ (၅၄၄) တပ် ရင်းမှ တပ်ဖွဲ့ဝင်များသည် တောင်ကုတ်မြို့၊ ဝက်ကျိတ်အုပ်စု၊ မှော်ဟင်း တော ရပ်ကွက်မှ ဦးကျော်သောင်း၊ ကိုင်းရှည်ရပ်ကွက်မှ ဦးအောင်မင်းနိုင် (ရသေ့တောင်မြို့နယ်၊ ဒုံးပိုက်ရွာမှ တောင်ကုတ်သို့ အလည်ရောက်နီသူ)ရို့ကို ဖမ်းယူလားခသိမ့်သည်။
ယင်းနည်းတူ စပ်တမ်ဘာ ၆ ရက်နိကလေ့ တောင်ကုတ်မြို့၊ ချောင်းကောက်ရပ်ကွက်မှ သွားဆရာဝန် ဒေါက်တာ ကျော်သူရထွန်းကို စစ်ကောင်စီတပ်ဖွဲ့ဝင်များမှ ဖမ်းယူလားခသည့်အတွက် စပ်တမ်ဘာလအတွင်း တောင်ကုတ်မြို့နယ်မှ စစ်ကောင်စီတပ်၏ ဖမ်းဆီး ခြင်းခံခရသည့် အပြစ်မဲ့အရပ်သားပြည်သူ စုစုပေါင်း ၁၆ ယောက်ထက်မနည်း ဟိကြောင်းသိရသည်။
(Zawgyi)
ေတာင္ကုတ္မွ ၄ ေယာက္ကို စစ္ေကာင္စီတပ္ ထပ္ဖမ္းျပန္
APM ၊ ေအာက္တိုဘာ ၁/၂၀၂၂
စပ္တမ္ဘာ ၂၉ ၊ ၃၀ ရက္နိမ်ားမွာေလ့ ေတာင္ကုတ္မွ အျပစ္မဲ့အရပ္သားျပည္သူ ေနာက္ထပ္ ၄ ေယာက္ကို စစ္ေကာင္စီတပ္ ထပ္ ဖမ္းလားခေၾကာင္း သတင္းရဟိသည္။
စပ္တမ္ဘာ ၂၉ ရက္နိက ေတာင္ကုတ္မွ အဖမ္းခံရသူ ၂ ေယာက္မွာ ေတာင္ကုတ္ၿမိဳ႕နယ္၊ မိုးထိတိုက္နယ္၊ မွန္နီေက်း႐ြာမွ ဦးေဇာ္ေဌး(၃၀ႏွစ္) နန႔္ ဦးထြန္းမင္းဦး (ခ) စိုးေအာင္ (၂၉ႏွစ္) ႐ို႕ျဖစ္ကတ္ၿပီး၊ စပ္တမ္ဘာ ၂၉ ရက္နိ ညဇာ ၅နာရီခြဲ ခန္႔တြင္ ေတာင္ကုတ္ၿမိဳ႕မတိုက္နယ္ဟိ စစ္ေကာင္စီတပ္၏ ဘုရားကိုးဆူ စစ္ဆီးရီးဂိတ္၌ စစ္ေကာင္စီတပ္ဖြဲ႕ဝင္မ်ားက သူ႐ို႕၂ ေယာက္ကို ဖမ္းဆီးေခၚေဆာင္လားချခင္းျဖစ္သည္။
စပ္တမ္ဘာ ၃၀ ရက္နိက ေတာင္ကုတ္မွ အဖမ္းခံရသူ ၂ ေယာက္မွာ ေတာင္ကုတ္ၿမိဳ႕၊ ဂူတာရပ္ကြက္မွ ဦးေအာင္ျမသိန္း(၃၀ႏွစ္) နန႔္ ဦးေအာင္ေခ်ေ(၃၃ ႏွစ္)႐ို႕ျဖစ္ကတ္ၿပီး သူ႐ို႕ႏွစ္ေယာက္ကို စပ္တမ္ဘာ ၃၀ ရက္နိ နိခင္း ၁ နာရီခန္႔တြင္ ေတာင္ကုတ္အၿခီစိုက္ စစ္ေကာင္စီတပ္ ခမရ (၅၄၄) တပ္ ရင္းမွ တပ္ဖြဲ႕ဝင္မ်ားနန႔္ ရဲတပ္ဖြဲ႕ဝင္ပူးေပါင္း အင္အား(၃၀) ေယာက္ခန႔္က နီအိမ္အတြင္းသို႔ ဝင္ေရာက္ ဖမ္းဆီးေခၚေဆာင္လား ျခင္းျဖစ္ သည္။
ကုန္ခသည့္ စပ္တမ္ဘာ ၂၃ ရက္နိကေလ့ ေတာင္ကုတ္ၿမိဳ႕နယ္၊ ေညာင္ေဖာက္႐ြာမွ ဦးေအးေက်ာ္ေက်ာ္နန႔္ သက္ေကျပင္႐ြာမွ ဦးေက်ာ္ေက်ာ္ႏိုင္႐ို႕ကို စစ္ေကာင္စီတပ္ဖြဲ႕ဝင္မ်ားက နီအိမ္အတြင္းသို႔ ဝင္ေရာက္ ဖမ္းဆီးေခၚေဆာင္လားခသိမ့္သည္။
ယင္းအျပင္ စပ္တမ္ဘာ ၂၁ ရက္နိက ေခ်ာင္းေကာက္ရပ္ကြပ္မွ ကိုမ်ိဳးျမင့္၊ စပ္တမ္ဘာ ၁၉ ရက္နိ၌ ကိုင္းရွည္ရပ္ကြက္မွ ကိုင္းရွည္လူမႈကူညီရီးအသင္း၏ ဥကၠ႒နန႔္ ဒုဥကၠ႒ျဖစ္သူ ဦးျမင့္လႈိင္နန႔္ ဦးေဇာ္မ်ိဳးထြန္း ႐ို႕ကိုေလ့ အသီးသီး ထပ္မံဖမ္းဆီး ခသည္။
စပ္တမ္ဘာ ၁၈ ရက္နိကေလ့ ေခ်ာင္းေကာက္ရပ္ကြက္မွ ဦးထြန္းခ်စ္၊ ဂူတာရပ္ကြက္မွ ကိုဦး နန႔္ ကိုစိုးဝင္းေခ်၊ ကင္းေတာင္႐ြာမွ ကိုမိုးဟိန္းေအာင္ ႐ို႕ကို စစ္ေကာင္စီတပ္မွ မတရားဖမ္းဆီး႐ိုက္ႏွက္ေခၚေဆာင္လားခသည့္အျပင္၊စပ္တမ္ဘာ ၁၇ ရက္နိကေလ့ ေတာင္ကုတ္အၿခီစိုက္ စစ္ေကာင္စီတပ္ ခမရ (၅၄၄) တပ္ ရင္းမွ တပ္ဖြဲ႕ဝင္မ်ားသည္ ေတာင္ကုတ္ၿမိဳ႕၊ ဝက္က်ိတ္အုပ္စု၊ ေမွာ္ဟင္း ေတာ ရပ္ကြက္မွ ဦးေက်ာ္ေသာင္း၊ ကိုင္းရွည္ရပ္ကြက္မွ ဦးေအာင္မင္းႏိုင္ (ရေသ့ေတာင္ၿမိဳ႕နယ္၊ ဒုံးပိုက္႐ြာမွ ေတာင္ကုတ္သို႔ အလည္ေရာက္နီသူ)႐ို႕ကို ဖမ္းယူလားခသိမ့္သည္။
ယင္းနည္းတူ စပ္တမ္ဘာ ၆ ရက္နိကေလ့ ေတာင္ကုတ္ၿမိဳ႕၊ ေခ်ာင္းေကာက္ရပ္ကြက္မွ သြားဆရာဝန္ ေဒါက္တာ ေက်ာ္သူရထြန္းကို စစ္ေကာင္စီတပ္ဖြဲ႕ဝင္မ်ားမွ ဖမ္းယူလားခသည့္အတြက္ စပ္တမ္ဘာလအတြင္း ေတာင္ကုတ္ၿမိဳ႕နယ္မွ စစ္ေကာင္စီတပ္၏ ဖမ္းဆီး ျခင္းခံခရသည့္ အျပစ္မဲ့အရပ္သားျပည္သူ စုစုေပါင္း ၁၆ ေယာက္ထက္မနည္း ဟိေၾကာင္းသိရသည္။
