APM ၊ ဂျူလိုင် ၆ / ၂၀၂၃
တရုတ်နိုင်ငံ၊ ချုံကင်းမြို့တွင် မိုးပြင်းပြင်းထန်ထန်ရွာ၍ ရီကြီးမှုကြောင့် ဂျူလိုင် ၃ ရက်မှ ၅ ရက်အတွင်း လူ ၁၅ ယောက် ထက်မနည်းသီဆုံးပြီး၊အချေ ၄ ယောက် ပျောက် ဆုံးနီကြောင်း အာဏာပိုင်များက ပြောသည်။
မိုးပြင်းထန်စွာရွာသွန်းမှုကြောင့် ချုံကင်းမြို့ဟိ ခရိုင် ၄ ခုတွင် နိုင်ငံ၏အရေးပေါ်စီမံခန့်ခွဲမှုဝန်ကြီးဌာနမှအမြင့်ဆုံး အဆင့် (အနီရောင်)သတိပီးချက် ထုတ်ပြန်ထားသည်။
မိုးကြီး၊ရီကြီးမှုကြောင့် စီချွမ်ပြည်နယ်တွင် လူပေါင်း ၄၆၀,၀၀၀ ကျော် ထိခိုက်ခပြီး ဒေသခံ ၈၅,၀၀၀ ကျော် အိုးမဲ့အိမ်မဲ့ ဖြစ်ခရကြောင်း နိုင်ငံပိုင်ရုပ်သံ CCTV က ကြေညာသည်။
ကယ်ဆယ်ရီးလုပ်ငန်းများကိုကူညီရန်အအရေးပေါ်ကယ်ဆယ်ရီး အဖွဲ့ ၄၀၀ ကျော်ကို စီလွှတ်ထားပြီး ဒေသခံများ ဖီးကင်းစီရန်နန့်ဆုံးယှုံးမှုအနည်းဆုံးဖြစ်စီရန် တရုတ် သမ္မတ က ညွှန်ကြားထားသည်။
ပြီးခသည့်သီတင်းပတ်ကလေ့ စီချွန်တွင် မိုးကြီး၊ ရီကြီးမှုကြောင့် လူ ၄ ယောက် သီဆုံးခပြီး ၃ ယောက် ပျောက်ဆုံးခသိမ့်သည်။
Source – Severe floods kill at least 15 in Chinas Chongqing, state media reports/ CNN
Photo – Today Online
